Jeŭrakamisija pradstaviła płan pieraŭzbrajeńnia ES i padtrymki Ukrainy na 800 miljardaŭ jeŭra
Staršynia Jeŭrakamisii Ursuła fon der Lajen na bryfinhu ŭ Brusieli pradstaviła piacistupieńčaty płan pieraŭzbrajeńnia Jeŭrasajuza i padtrymki Ukrainy, paviedamlaje «Jeŭrapiejskaja praŭda».
Pavodle jaje słoŭ, zaraz pytańnie nie ŭ tym, što biaśpieka Jeŭropy pad pahrozaj.
«Sapraŭdy my ŭžo viedajem adkazy na hetyja pytańni. Realnaje pytańnie dla nas, ci hatova Jeŭropa dziejničać rašuča, jak taho patrabuje situacyja. I ci hatova Jeŭropa dziejničać chutka», — skazała fon der Lajen.
Jana paŭtaryła svaju papiaredniuju zajavu ab nieabchodnaści pieraŭzbrajeńnia Jeŭropy dla zabieśpiačeńnia ŭłasnych patrebaŭ i padtrymki Ukrainy.
Mienavita tamu, pavodle jaje słoŭ, jana nakiravała jeŭrapiejskim lidaram list pierad samitam ES ź piacistupieńčatym płanam pieraŭzbrajeńnia Jeŭropy.
Pieršaja častka płana — vyzvaleńnie dziaržaŭnych srodkaŭ dla finansavańnia abaron na nacyjanalnym uzroŭni.
«Dziaržavy-členy ŭžo hatovy bolš układvać u abaronu, kali majuć fiskalnuju prastoru. Tamu my pavinny dazvolić im heta. Tamu my prapanujem mahčymaść abchodu Pakta ab roście i stabilnaści, što daść mahčymaść dziaržavam pavialičyć raschody na abaronu biez zapusku pracedury praźmiernaha deficytu», — rastłumačyła prezidentka.
Pavodle jaje słoŭ, heta daść mahčymaść vyzvalić da 650 młrd jeŭra na praciahu čatyroch hadoŭ.
Druhim elemientam źjaŭlajecca novy instrumient, jaki zabiaśpiečyć 150 miljardaŭ pazyk dziaržavam-členam na abaronnyja inviestycyi ŭ sistemy SPA, artyleryjskija sistemy, rakiety i bojeprypasy, dronavyja i antydronavyja sistemy i sumiesnyja zakupki abstalavańnia.
«Z hetym abstalavańniem dziaržavy-členy ŭ vialikim maštabie zmohuć naraścić ich padtrymku Ukrainy. Razmova idzie ab nieadkładnaj pastaŭcy vajennaha abstalavańnia dla Ukrainy», — skazała fon der Lajen.
«Treci punkt — heta vykarystańnie biudžetu ES. U karotkaterminovaj pierśpiektyvie my zmožam nakiravać srodki ŭ abaronnyja inviestycyi», — skazała taksama jana, anansavaŭšy prapanovu, pa jakoj dziaržavy-členy zmohuć vykarystoŭvać fondy zhurtavanaści dla pavieličeńnia raschodaŭ na abaronu. Varta adznačyć, što vykarystańnie fondaŭ zhurtavanaści nie patrabuje adnadušnaści, tamu Vienhryja ci Słavakija nie mohuć zabłakavać takija rašeńni.
Dva inšyja punkty praduhledžvajuć mabilizacyju pryvatnaha kapitału šlacham pašyreńnia inviestycyjnaha rynku i praź Jeŭrapiejski inviestycyjny bank.
«ES hatovy pryniać adkaznaść. Płan pieraŭzbrajeńnia Jeŭropy moža mabilizavać kala 800 miljardaŭ jeŭra na abaronnyja vydatki dla biaśpiečnaj i ŭstojlivaj Jeŭropy», — padkreśliła prezident JEK.
Novaja architektura biaśpieki ES pačnie farmavacca na ekstranym pasiadžeńni lideraŭ ES 6 sakavika. 19 sakavika kamisar pa pytańniach abarony Andrus Kubilus i kiraŭnik dypłamatyi Kaja Kałas pradstaviać novuju abaronča-pramysłovuju stratehiju.
Kamientary