U Maskvie pamior 49-hadovy trochrazovy alimpijski čempijon pa volnaj baraćbie, były deputat Dziarždumy i pamočnik kiraŭnika Dahiestana Buvajsar Sajcijeŭ, paviedamiŭ prezident Fiederacyi spartyŭnaj baraćby RF (FSBR) Michaił Mamijašvili. Pavodle źviestak telehram-kanała Baza, jon vypaŭ z akna svajoj kvatery na vulicy Minskaja, piša The Moscow News.
Trochrazovaha alimpijskaha čempijona, jaki lažaŭ na ziamli, pabačyŭ ranicaj dvornik. Jon pakłaŭ paciarpiełaha, na ciele jakoha nie było kryvi i traŭmaŭ, na doški i vyklikaŭ chutkuju dapamohu. Dvornik i kanśjerž sprabavali pahavaryć z Sajcijevym, ale jon nie moh vymavić ni słova i rastłumačyć, što ź im adbyłosia.
Pavodle infarmacyi Baza, brat Sajcijeva (vidać, taksama były barec Adam Sajcijeŭ) raskazaŭ padčas apytańnia, što toj moh vypadkova vypaści z akna svajoj kvatery na trecim paviersie, zajmajučysia chatnimi spravami. Hetuju viersiju praviarajuć śledčyja.
Uviečary 2 sakavika stała viadoma, što Sajcijeŭ pamior u adnoj z maskoŭskich balnic, kudy jaho pryvieźli ź pierałomami taza, rebraŭ i chrybietnika. Pieršapačatkova lekary vykazali zdahadku, što ŭ paciarpiełaha adbyłosia atručańnie. Pra heta pišuć Shot i Mash.
Apošni śćviardžaje, što barec taksama pakutavaŭ ad chvaroby lohkich i dla źniaćcia bolu prymaŭ preparaty z mocnadziejnymi rečyvami. «Śmierć mahła nastupić praz spynieńnie serca ŭ vyniku intaksikacyi», — paviedamlaje kanał.
Sajcijeŭ, jaki pavodle nacyjanalnaści čačeniec, ale naradziŭsia i vyras u Dahiestanie, zavajavaŭ załatyja miedali na Alimpijadach u Atłancie (1996), Afinach (2004) i Piekinie (2008). Taksama jon mieŭ šeść załatych miedaloŭ čempijanataŭ śvietu i takuju ž kolkaść «zołata» jeŭrapiejskich pieršynstvaŭ. Z 2016 pa 2021 hod Sajcijeŭ byŭ deputatam Dziarždumy VII sklikańnia ad Dahiestana i členam Kamiteta pa fizičnaj kultury, sporcie, turyźmie i spravach moładzi, a taksama daradcam kiraŭnika respubliki.
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie63
Kamientary
• TRAHIČNYJA VYPADKI •
🔺Sajt «Łajf», u adroźnieńnie ad hetych, infarmuje bolš dakładna: «Trochkratny alimpijski čempijon pa volnaj baraćbie Buvajsar Sajcijeŭ pamior paśla taho, jak vypaŭ z vakna druhoha pavierchu...».
🔺Nie lublu kanśpiralahičnyja čutki, ale voś samo saboj hrukajecca da nas pytaniejka: jak volnik moh zahinuć, zvaliŭšysia z takoj «dziciačaj» vyšyni? Ja sam krychu zajmaŭsia hetkaj baraćboju, i adno z hałoŭnaha, pamiataju, u jej było ŭmielstva hrupavacca. Bo inakš, kali suparnik kidaje ciabie ab padłohu j, jak śled, ź niemałoj siłaju, to možna ź lohkaściu paškodzić jatro, nyrki j «protčyja subpradukty». Niachaj kidaje z matam i paŭz mataŭ, tolki ty kali ŭmieješ pravilna vałodać svaim ciełam, to budź choć bolej, čym stohramny, i zasudžany śpirtsmien, usio adno žyćcio z taboj ad hetaha nie raźvitajecca. A tutaka sam trochrazovy čempijon. Nie, biassprečna, vielmi škada čałavieka!
🔺Ale ci redka ŭ postsavieckich krajoch paśla padzieńnia achviara robić sabie kantrolny streł u skroniu ci zasilvajecca j, kab užo dakładna, pierarazaje horła, utapiŭšysia ŭ vańnie? Albo hinie ad niaŭhlednaje atruty, «vypadkova» ŭkałotaj, vypitaj ci źjedzienaj i paśla amal biasśledna rasmaktaŭšajsia ŭ arhaniźmie, dy pry tym spravakavaŭšaj samalikvidacyju ŭ hłuzdoch? Tamu nakolki vinavataja ŭ takich vypadkach (u dźvoch značeńniach hetaha amonimu) sama achviara? I hałoŭnaje pytańnie: pierad kim?!
.