Prezident ZŠA Donald Tramp praciahnuŭ na hod dziejańnie šerahu sankcyj suprać Rasii, paviedamili ŭ Biełym domie.
Šerah abmiežavańniaŭ, uviedzienych ZŠA suprać Rasii ŭ suviazi z raźviazvańniem joj vajny va Ukrainie, buduć dziejničać nadalej.
Prezident ZŠA pryjšoŭ da vysnovy, što abmiežavalnyja miery suprać Rasii, uviedzienyja Vašynhtonam u 2014, 2018 i 2022 hadach, «pavinny zastavacca ŭ sile paśla 6 sakavika 2025 hoda».
«Dziejańni i palityka, pra jakija idzie havorka ŭ dadzienych ukazach, praciahvajuć ujaŭlać niezvyčajnuju i nadzvyčajnuju pahrozu intaresam nacyjanalnaj biaśpieki i źniešniaj palitycy Złučanych Štataŭ», — śćviardžajecca ŭ tłumačalnaj zapiscy, źmieščanaj u Fiederalnym rejestry.
«Tamu […] ja praciahvaju na adzin hod režym [sankcyjnaha] nadzvyčajnaha stanovišča, abvieščany ŭkazam 13 660», — dadaŭ Tramp.
Raniej, niahledziačy na namioki na mahčymaje źmiakčeńnie sankcyjnaha cisku, Tramp daŭ zrazumieć, što ZŠA nie pojduć na hety krok datul, pakul va Ukrainie nie ŭstalujecca mir. Jon padkreśliŭ, što abmiarkoŭvać źniaćcie sankcyj z Rasiei jahonaja administracyja budzie tolki paśla zakančeńnia bajavych dziejańniaŭ.
Akramia taho, amierykanski prezident zajaviŭ, što padčas pieramoŭ ab zaviaršeńni kanfliktu Vašynhton budzie nastojvać na viartańni Ukrainie častki terytoryj, akupavanych rasijskimi vojskami. Adnak jakija mienavita sastupki pavinna budzie zrabić Maskva, Tramp udakładniać nie staŭ.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?21
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary