Alaksandr Łukašenka ŭ intervju amierykanskamu błohieru Marya Naŭfału anansavaŭ svoj budučy vizit u Rasiju i pieramovy z Uładzimiram Pucinym, paviedamlaje BiełTA.
«Praz tydzień my ź im sustreniemsia ŭ Maskvie i vielmi padrabiazna i detalova abmiarkujem usie pytańni. Pa telefonie my jakraz na heta i spasłalisia — što sustreniemsia i abmiarkujem usio ŭ detalach», — skazaŭ Łukašenka.
Taksama Łukašenka vykazaŭsia pra situacyju z Ukrainaj.
Pavodle jaho słoŭ, padčas jaho apošnich kantaktaŭ z Uładzimiram Pucinym rasijski lidar paćvierdziŭ hatoŭnaść da pieramoŭ pa ŭrehulavańni situacyi va Ukrainie, u tym liku z ukrainskim bokam.
«Potym jon praciahnuŭ havaryć, što ŭkraincy i Zialenski kryŭdujucca, što ich nie zaprasili ŭ Saudaŭskuju Araviju. Kaža: «Navošta klikać, kali tam abmiarkoŭvalisia pytańni Rasii i ZŠA? Tam tolki ŭskosna zakranuli na hetych pieramovach pytańni Ukrainy. Tamu navošta było klikać Ukrainu?» Ale pra heta ŭžo i Tramp skazaŭ u takim ža klučy. Kali buduć vyrašacca pytańni Ukrainy, ja dumaju, biez Ukrainy hetyja pytańni nichto vyrašać nie budzie», — zajaviŭ Łukašenka.
U zahinułaj u Ślapiancy dziaŭčynie apaznali Janu Kastrankovu2
Kamientary