U Homieli znosiać niedabudavanuju balnicu. Na jaje miescy budzie parkoŭka z «załatym» koštam mašynamiesca
Heta budzie, vidać, samaja darahaja parkoŭka ŭ Biełarusi, jakaja abydziecca biudžetu ŭ 900 tysiač dalaraŭ.
Znos niedabudavanaha korpusa balnicy ŭ Homieli. Skrynšot videa telehram-kanała «Fłahštok»
Dzivosy znosu pomnika biezhaspadarčaści zaŭvažyła vydańnie «Fłahštok».
Znos piacipaviarchovaha korpusa infiekcyjnaha špitala na vulicy Fiadziuninskaha, jaki ŭłady tak i nie zmahli dabudavać, acanili ŭ 3 123 005 rubloŭ (kala 900 000 dalaraŭ). Cikava, što demantaž budynka ŭklučyli ŭ prajekt stvareńnia adkrytaj parkovačnaj placoŭki na 20 miescaŭ.
Karystajučysia prostaj matematykaj, možna padličyć, što košt adnaho parkovačnaha miesca na joj budzie sapraŭdy «załatym» — kala 45 000 dalaraŭ.
Raniej čynoŭniki Homielskaha harvykankama płanavali pieraprafilavać budynak, ale paźniej vyrašyli źnieści jaho pad prystojnaj nahodaj.
Ciapier čytajuć
Kachanak Anžaliki Mielnikavaj — ahient biełaruskich śpiecsłužbaŭ z pašpartam prykryćcia51
Kamientary