Dziaržsakratar Vatykana: Čutki pra adstaŭku Papy — niepatrebnyja śpiekulacyi
Kardynał-dziaržsakratar Pjetra Paralin u intervju italjanskamu vydańniu Corriere della Sera nazvaŭ «niepatrebnymi śpiekulacyjami» čutki ab mahčymaj adstaŭcy Papy, paviedamlajuć Naviny Vatykana.
«Ciapier my dumajem pra zdaroŭje Śviatoha Ajca, jahonaje azdaraŭleńnie i viartańnie ŭ Vatykan: heta adzinaje, što maje značeńnie», — padkreśliŭ bližejšy supracoŭnik Papy.
Napiaredadni Zała Druku Apostalskaj Stalicy abvierhnuła paviedamleńnie italjanskaha telekanała RaiNews24, pavodle jakoha Francišak nibyta sustreŭsia ŭ klinicy Džemeli z kardynałami Pjetram Paralinam i Džanfranka Hirłandam. Heta paradziła śpiekulacyi nakont taho, što 88-hadovy pantyfik, jaki zachvareŭ na pnieŭmaniju, moh abmiarkoŭvać ź ijerarchami svaju adstaŭku.
Dziaržsakratar nazvaŭ zvyčajnaj spravaj toje, što ŭ situacyi chvaroby pantyfika raspaŭsiudžvajucca čutki i hučać niedarečnyja kamientary. Jon adznačyŭ, što heta adbyvajecca ŭžo nie ŭpieršyniu i imkniecca trymacca ad takich «manioŭraŭ» jak maha dalej.
Ijerarch raskazaŭ, što niekalki dzion tamu viarnuŭsia z Burkina-Faso i paviedamiŭ Śviatomu Ajcu ab hatoŭnaści naviedać jaho ŭ špitali, «ale pakul u hetym nie było patreby». «Lepš, kab jon zastavaŭsia abaronienym i prymaŭ jak maha mienš naviedvalnikaŭ, kab mieć mahčymaść adpačyć i, takim čynam, zrabić terapiju, jakuju jon prachodzić, bolš efiektyŭnaj. Dziakuj Bohu, naviny z Džemeli abnadziejvajuć, jon papraŭlajecca», — padkreśliŭ kardynał Paralin.
U svaju čarhu, kardynał Viktar Manuel Fiernandes, prefiekt Dykasteryi vieravučeńnia, u intervju arhiencinskaj haziecie La Nación padkreśliŭ, što nie bačyć sensu ŭ tym, kab «peŭnyja hrupy damahalisia adračeńnia» Papy, bo dla taho, kab heta rašeńnie było sapraŭdnym, «jano pavinna być pryniata svabodna Śviatym Ajcom».
-
Zialenski adstaŭlaje papularnaha maładoha ministra abarony. U taho nie było ŭzajemarazumieńnia z Syrskim
-
«Kali pamrom, to razam». Žonka mužčyny, jakoha ledź nie zasmaktała ŭ iluminatar samalota Ryanair, raskazała pra pieražytaje
-
Pryniaćcie 21‑ha pakieta sankcyj suprać Rasii pieranieśli jašče na tydzień
Kamientary