Tramp nie ličyć, što ŭdzieł Zialenskaha ŭ pieramovach ab miry «vielmi važny»
Prezident ZŠA Donald Tramp vykazaŭ mierkavańnie, što ŭdzieł prezidenta Ukrainy Uładzimira Zialenskaha ŭ pieramovach ab spynieńni vajny z Rasijaj nie źjaŭlajecca važnym, praciahnuŭšy pry hetym krytyku na adras ukrainskaha lidara. Pra heta jon zajaviŭ u intervju Fox News Radio.
«Ja nie dumaju, što vielmi važna, kab jon byŭ na sustrečach, kali być ščyrym z vami», — skazaŭ Tramp.
Prezident ZŠA adznačyŭ, što zaprašeńnie Uładzimira Zialenskaha na pieramovy z rasijanami ŭ Saudaŭskaj Arabii «nie było pryjarytetam», tamu što jon, na dumku Trampa, da hetaha «drenna» vioŭ pieramovy.
«Ja naziraŭ, jak jahonyja harady rujnujucca, jak jahonych ludziej zabivajuć, jak vajskoŭcaŭ źniščajuć… Ja naziraju za hetym užo šmat hadoŭ. Heta vajna, jakaja nie pavinna była pačynacca. Ja naziraŭ hadami, bačyŭ, jak jon viadzie pieramovy biez kazyroŭ. U jaho niama kazyroŭ. I vam heta nadakučvaje. Vam heta prosta nadakučvaje. Ź mianie chopić», — skazaŭ Donald Tramp.
Pry hetym Tramp u čarhovy raz vykazaŭ svajo pierakanańnie, što papiaredni prezident ZŠA Džo Bajden i Zialenski, maŭlaŭ, «mahli praduchilić» vajnu.
«Kožny raz, kali ja kažu, što heta nie Rasija vinavataja, mianie zaŭsiody krytykujuć za «fejkavyja naviny». Ale ja vam kažu, što Bajden kazaŭ niapravilnyja rečy, Zialenski kazaŭ niapravilnyja rečy — na ich napaŭ niechta značna bolš i našmat macniejšy», — zajaviŭ Tramp, vykazaŭšy pry hetym pierakanańnie, što Rasiju možna było «lohka adhavaryć ad usiaho hetaha».
«U hałovach ludziej, jakija ŭ zachapleńni ad Trampa, adbyvajecca niešta padobnaje, jak było 100 hadoŭ tamu»
«Jon kirujecca hłybokim pačućciom adkaznaści». Duda paraiŭ Zialenskamu nie svarycca z Trampam
Šrajbman apisvaje varyjanty, jak pry Trampie moža skončycca vajna va Ukrainie
Rubia pierakonvaje sajuźnikaŭ, što pieramovy z Rasijaj nie aznačajuć rezkaj źmieny ŭ realnaj palitycy ZŠA
Dziaržsakratar ZŠA zajaviŭ, što Tramp «vielmi zasmučany praź Zialenskaha»
Ciapier čytajuć
«Heta była žyvaja kamiera sačeńnia». Što rabiła viciablanka Kaciaryna, kab vyzvalicca praz 5 hadoŭ zamiest prysudžanych 12 hadoŭ6
Kamientary