«Jon kirujecca hłybokim pačućciom adkaznaści». Duda paraiŭ Zialenskamu nie svarycca z Trampam
Prezident Polščy parazmaŭlaŭ z ukrainskim kaleham pra adnosiny z ZŠA.
Andžej Duda paraiŭ Uładzimiru Zialenskamu nie svarycca z prezidentam ZŠA Donaldam Trampam.
Takuju paradu polski prezident daŭ ukrainskamu padčas telefonnaj razmovy.
«Niekalki chvilin tamu mnie patelefanavaŭ prezident Zialenski. U nas adbyłasia ščyraja razmova paśla niadaŭnich sustreč z hienierałam Kiełaham i inšych padziej. Ja vykazaŭ jamu našu niaźmiennuju pierakananaść u tym, što adziny sposab spynić krovapralićcie i dasiahnuć doŭhaterminovaha miru va Ukrainie — heta padtrymka Złučanych Štataŭ», — napisaŭ Duda ŭ tvitary.
Prezident Polščy paraiŭ Zialenskamu zachoŭvać kanstruktyŭnyja adnosiny z Trampam.
«Mienavita tamu ja prapanavaŭ prezidentu Zialenskamu zastavacca prychilnym kursu spakojnaha i kanstruktyŭnaha supracoŭnictva z Donaldam Trampam. Ja vieru, što dobrazyčlivaść i sumlennaść lažać u asnovie pieramoŭnaj stratehii ZŠA.
U mianie niama sumnievaŭ u tym, što prezident Tramp kirujecca hłybokim pačućciom adkaznaści za hłabalnuju stabilnaść i mir», — napisaŭ Duda.
Apošnija dni Tramp mocna krytykuje Zialenskaha na ŭsich placoŭkach. Jon nazvaŭ prezidenta Ukrainy «dyktataram biez vybaraŭ», «siaredniaj paśpiachovaści komikam», a taksama faktyčna ŭskłaŭ na Ukrainu adkaznaść za vajnu.
Šrajbman apisvaje varyjanty, jak pry Trampie moža skončycca vajna va Ukrainie
Rubia pierakonvaje sajuźnikaŭ, što pieramovy z Rasijaj nie aznačajuć rezkaj źmieny ŭ realnaj palitycy ZŠA
U kamandzie Trampa vystupajuć za adjezd Zialenskaha ŭ Francyju — New York Post
Kali Amieryka zdradzić Ukrainie, śviet źmienicca niezvarotna
Kamientary