«Režym pavinien vyzvalić usich palitviaźniaŭ i spynić ich pieraśled». APK zrabiŭ zajavu pa sankcyjach i vyzvaleńni palitviaźniaŭ
19 lutaha adbyłosia pasiadžeńnie Abjadnanaha pierachodnaha kabinieta, padčas jakoha była ŭzhodnienaja pazicyja pa pytańniach sankcyj i patencyjnaha vyzvaleńnia palitviaźniaŭ.
Kabiniet ličyć, što ŭviadzieńnie sankcyj z boku mižnarodnych partnioraŭ u dačynieńni da režymu Łukašenki źjaŭlajecca adnym z važnych instrumientaŭ dla prymušeńnia režymu źmianić unutranuju palityku i zabiaśpiečyć vykanańnie mižnarodnych abaviazacielstvaŭ.
U kantekście kansultacyj pa vyzvaleńni palitźniavolenych, Kabiniet zajaŭlaje nastupnaje:
- — režym Łukašenki pavinien poŭnaściu spynić palityčnyja represii,
- — režym pavinien vyzvalić usich palityčnych viaźniaŭ i spynić ich kryminalny i administratyŭny pieraśled, admianić niezakonnyja prysudy. Vyzvalenym palitviaźniam pavinien być dadzieny vybar: zastacca ŭ Biełarusi ci vyjechać za jaje miežy,
- — palityčnaja i hramadskaja dziejnaść, praca niezaležnych ŚMI pavinny być całkam dekryminalizavanyja. U Respublicy Biełaruś pavinna być adnoŭlenaje dziejańnie pravavoj sistemy, jakaja zabiaśpiečvaje naležnuju pavahu da pravoŭ čałavieka,
- — pry vykanańni vyšejzhadanych umoŭ častka sankcyj ZŠA moža być paetapna prypyniena, kab pierakanacca ŭ tym, što režym naležnym čynam vykonvaje ŭziatyja na siabie abaviazacielstvy.
«Adnačasova Kabiniet padtrymlivaje dziejańni ES, nakiravanyja na praciah sankcyjnaha cisku na režym Łukašenki za parušeńnie pravoŭ čałavieka i saŭdzieł u ahresii suprać Ukrainy», — havorycca ŭ zajavie.
Taksama Kabiniet ličyć stratehična važnaj i całkam padzialaje pazicyju prezidenta Ukrainy Uładzimira Zialenskaha, ahučanuju padčas Miunchienskaj kanfierencyi pa pytańniach biaśpieki, u jakoj padkreślena, što «ŭschodniaja miaža Ukrainy, uschodniaja miaža Biełarusi, uschodnija miežy krain Bałtyi, uschodniaja miaža Finlandyi — heta samaja mocnaja linija biaśpieki dla ŭsich nas u Jeŭropie tamu, što heta rysa mižnarodnaha prava».
Kabiniet adznačaje, što rehijanalnaja biaśpieka moža być realna harantavana tolki pry ŭmovie isnavańnia niezaležnaj demakratyčnaj i jeŭrapiejskaj Biełarusi.
Ciapier čytajuć
Alaksandr Łukašenka tak lasnuŭsia na lod na chakiei, što trybuny zamierli VIDEA118
Alaksandr Łukašenka tak lasnuŭsia na lod na chakiei, što trybuny zamierli VIDEA
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
Kamientary