Alaksandr Łukašenka 5 lutaha svaim ukazam zaćvierdziŭ Dziaržaŭnuju inviestycyjnuju prahramu na 2025 hod. Na finansavańnie ŭklučanych u jaje 82 abjektaŭ, ź jakich 40 płanujecca ŭvieści ŭ ekspłuatacyju ŭ hetym hodzie, praduhledžana 2 młrd 207 młn rubloŭ.
Fota ilustracyjnaje
Pavodle dakumienta, zvyš 80% srodkaŭ maje pajści na realizacyju dziaržprahram «Darohi Biełarusi», «Zdaroŭje naroda i demahrafičnaja biaśpieka», «Adukacyja i maładziožnaja palityka», «Budaŭnictva žylla», «Ahrarny biźnies», «Pamiežnaja biaśpieka» i inšych.
Za košt srodkaŭ prahramy ŭ 2025 hodzie ŭ tym liku buduć budavacca i rekanstrujavacca:
- aŭtamabilnyja darohi M10 (Homiel — Kobryn), M3 (Minsk — Viciebsk), R46 (Lepiel — Połack), R53 (Słabada — Navasady);
- masty praz raku Prypiać (u Mazyry) i praz raku Sož (na aŭtadarozie R30 Homiel — Vietka — Čerykaŭ);
- technaparki ŭ Breście, Pinsku, Baranavičach, industryjalny park u Hrodnie;
- balnica ŭ Pastavach, abłasny ankałahičny dyspansier u Hrodnie, novyja karpusy abłasnoj balnicy ŭ Breście i RNPC dziciačaj ankałohii ŭ Baraŭlanach, reabilitacyjny centr u Aksakaŭščynie;
- škoła ŭ Astraŭcy, łabaratorny i navučalny karpusy Biełaruskaha nacyjanalnaha techničnaha ŭniviersiteta, fizkulturna-azdaraŭlenčy centr Biełaruskaha dziaržaŭnaha ŭniviersiteta, spartyŭny kompleks BFST «Dynama»;
- kompleks budynkaŭ Śviata-Uśpienskaha Žyrovickaha manastyra, chram Alaksandra Nieŭskaha na miemaryjalnych Vajskovych mohiłkach u Minsku.
Kamientary