Kiraŭnik MZS Polščy spytaŭ, ci chopić u biełaruskich turmach miesca tym, chto nie hałasavaŭ za Łukašenku
Kiraŭnik MZS Polščy Radosłaŭ Sikorski ŭ sacsietkach pakpiŭ z vynikaŭ prezidenckich vybaraŭ u Biełarusi.
Tylko 87,6% Białorusinów kocha swojego baćkę?!
Czy reszta pomieści się we więzieniach?
«Tolki 87,6% biełarusaŭ lubiać svajho «baćku»?! Ci źmieściacca astatnija ŭ turmach?» — napisaŭ Sikorski.
Pavodle viersii CVK, za Łukašenku prahałasavali 86,82% vybarcaŭ, jakija pryjšli na ŭčastki. Pry hetym 1,8 młn biełaruskich vybarcaŭ, pa danych CVK, nie hałasavali za Łukašenku, ź ich miljon — naohuł nie ŭdzielničali ŭ vybarach.
Niadaŭna pamiž Sikorskim i Łukašenkam adbyłasia zavočnaja pierapałka. Polski ministr sarkastyčna zaŭvažyŭ, što «čakańnie, kaho abjaviać pieramožcam, nievynosnaje».
Da taho ž jon zaklikaŭ žurnalistaŭ nie nazyvać Łukašenku apošnim dyktataram Jeŭropy. «U kradziažach, represijach i mižnarodnaj ahresii Uładzimir Pucin jaho dahnaŭ i pierahnaŭ», — udakładniŭ jon matyvacyju.
Łukašenka na pres-kanfierencyi ŭčora zahadaŭ adkazać, što niachaj Sikorski «svajho nosa nie sunie, kudy nie prosiać».
MZS Biełarusi litaralna tak i zrabiła. «Zajmiciesia prablemami svajoj krainy i svajho naroda, a «nie suńcie nos nie ŭ svaje spravy», jak tolki što skazaŭ Łukašenka», — napisaŭ u repłajach viadučy ministerskaha tvitara.
U internet źlili pierapisku Kavaleŭskaha i Cichanoŭskaj. Ale kancoŭ nie znajści31
Kamientary