Litoŭski deputat: Pašpart Novaj Biełarusi nie budzie pryznany sapraŭdnym na terytoryi Litvy
Kamitet Siejma Litvy pa zamiežnych spravach na zakrytym pasiadžeńni ŭ sieradu razhledzić pytańnie, źviazanaje ź inicyjatyvaj pa stvareńni pašpartoŭ Novaj Biełarusi. Jak paviedamiŭ staršynia kamiteta Remihijus Motuzas, asnoŭnaja meta abmierkavańnia — vypracavać adziny padychod i ahulnuju pazicyju, paviedamlaje LRT.
«My zaprasili pradstaŭnikoŭ Ministerstvaŭ unutranych i zamiežnych spraŭ, kab pačuć ich pazicyju. Hałoŭnaja zadača — naładzić adziny padychod, znachodzicca ŭ ahulnym infarmacyjnym poli i vypracavać uzhodnienuju pazicyju, bo pytańnie dalikatnaje», — zajaviŭ Motuzas napiaredadni pasiadžeńnia.
Motuzas padkreśliŭ, što hetaja pazicyja charaktaryzuje pašpart jak vyklučna simvaličny:
«Heta simvaličny dakumient, jaki nie vałodaje ni jurydyčnaj, ni dypłamatyčnaj siłaj. Jon nie budzie pryznany sapraŭdnym na terytoryi Litoŭskaj Respubliki. Heta vyklučna simvaličny dakumient».
Na pasiadžeńnie taksama zaprošanyja pradstaŭniki Departamienta mihracyi i Hieraldyčnaj kamisii.
Dyskusija nakont płanaŭ biełaruskaj apazicyi stvaryć alternatyŭnyja paśviedčańni asoby z vyjavaj konnaha rycara Vicisa (Pahoni) razharełasia na minułym tydni. Prezident Litvy Hitanas Naŭsieda zajaviŭ, što Vicis źjaŭlajecca litoŭskim simvałam, ale im mohuć karystacca i «narody, jakija imknucca da svabody i nie schilajucca pierad Pucinym».
U toj ža čas Naŭsieda adznačyŭ, što vykarystańnie hetaha simvała ŭ «pašpartach» biełaruskaj apazicyi zakranaje jurydyčnyja i dypłamatyčnyja aśpiekty.
Lidarka biełaruskaj apazicyi Śviatłana Cichanoŭskaja admoviłasia kamientavać dyskusii.
Miž tym kansiervatar Aŭdronius Ažubalis źviarnuŭsia ŭ Ministerstva zamiežnych spraŭ za tłumačeńniami. Kiraŭnik MZS Kiastucis Budrys padkreśliŭ, što ŭrad Litvy nie ŭdzielničaje ŭ pracesie stvareńnia «pašpartoŭ» biełaruskaj apazicyi.
Voś što varta raskazać litoŭcam pra «Pahoniu»
Naŭsieda prakamientavaŭ vykarystańnie Pahoni ŭ dyzajnie pašpartoŭ Novaj Biełarusi
Pašpart Novaj Biełarusi pačnuć vydavać z 26 studzienia. Što viadoma i jak atrymać?
Kavaleŭski raskrytykavaŭ pašpart Novaj Biełarusi i raskazaŭ, što źbiraŭsia rabić inakš
Capkała razasłaŭ pa usim Jeŭrasajuzie skarhi na Cichanoŭskuju i inšych stvaralnikaŭ pašparta Novaj Biełarusi
Kamientary