Naŭsieda prakamientavaŭ vykarystańnie Pahoni ŭ dyzajnie pašpartoŭ Novaj Biełarusi
Raniej hetym byli niezadavoleny niekatoryja litoŭskija kansiervatary.
Paśla taho, jak Ofis Cichanoŭskaj anansavaŭ vydaču pieršych pašpartoŭ Novaj Biełarusi, častka litoŭskich kansiervataraŭ aburyłasia vykarystańniem u dyzajnie hierba Pahonia. Jany zajavili, što hety vieršnik na kani — litoŭski hierb «Vicis», a tamu biełaruskaja apazicyja nie maje na jaho pravoŭ.
Raniej litoŭskija čynoŭniki ŭžo adkazvali aktyvistam, što nie bačać padstaŭ dla takoj pretenzii. Ciapier situacyju prakamientavaŭ i prezident Litvy.
Hitanas Naŭsieda vykazaŭsia, što «Vicis» — litoŭski simvał, ale jaho mohuć vykarystoŭvać narody, «jakija vyznajuć svabodu i nie padzialajuć pohlady Pucina», paviedamlaje litoŭskaje ahienctva BNS.
«Kali my havorym pra sapraŭdnaje adzinstva našych narodaŭ — ja maju na ŭvazie tych narodaŭ, jakija vyznajuć svabodu i nie padzialajuć pohlady Pucina — ja dumaju, što my sapraŭdy možam dazvolić im vykarystoŭvać toj simvał, jaki adlustroŭvaje dla mianie Litvu», — skazaŭ Naŭsieda.
U vykarystańni Pahoni ŭ dyzajnie pašpartoŭ Novaj Biełarusi jon nie bačyć prablemy. Ale dadaŭ, što treba abmierkavać jurydyčnyja i dypłamatyčnyja detali prajekta.
Pierad hetym deputaty Siejma ad partyi «Sajuz Ajčyny — chryścijanskija demakraty Litvy» (siarod ich, naprykład, Łaŭrynas Kaščunas) vykazali zaniepakojenaść z nahody vykarystańnia Pahoni ŭ pašpartach Novaj Biełarusi.
U Ministerstvie zamiežnych spraŭ Litvy na ich zajavu adkazali, što litoŭski dziaržaŭny hierb u dyzajnie tych pašpartoŭ nie vykarystoŭvajecca.
Ciapier čytajuć
Ściapan Puciła: Mianie sprabavali vykraści z dapamohaj pasolstva Biełarusi ŭ Varšavie15
Ściapan Puciła: Mianie sprabavali vykraści z dapamohaj pasolstva Biełarusi ŭ Varšavie
«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič77
Kamientary