Śviatar David Babroŭ aśviaciŭ akvapark i raskazaŭ pra heta ŭ TikTok.
Śviatar David Babroŭ, jaki słužyć u Śviata-Duchavym kafiedralnym sabory, viadzie TikTok, dzie dzielicca videa pra pravasłaŭje i svajo słužeńnie. Niadaŭna jon apublikavaŭ rolik, u jakim raskazaŭ, jak aśviaciŭ akvapark «Frystajł» na vulicy Surhanava.
Videa ŭžo nabrała bolš za 160 tysiač prahladaŭ i vyklikała aktyŭnuju reakcyju ŭ kamientaryjach, piša Onliner.by.
Pišitie v kommientarijach, čto by vy chotieli ośviatiť I nie zabud́tie pozdraviť druziej etim vidieo!
«Tak my aśviacili ŭvieś akvapark: basiejn, łaźni, kupiel i navat džakuzi. Navošta heta treba? Aśviačeńnie — heta naša zvarot da Boha, prośba ab jaho prysutnaści, žadańnie lubovi i dabra. Chiba nie cudoŭna žadać kahości abo čamu-niebudź błahasłavieńniaŭ? Niachaj u hetym akvaparku ŭsio budzie dobra», — skazaŭ śviatar u videa.
Jon taksama zaklikaŭ padpisčykaŭ pakidać u kamientaryjach prapanovy ab tym, što jany chacieli b aśviacić. Rolik atrymaŭ šmat stanoŭčych vodhukaŭ i pryciahnuŭ uvahu da niestandartnaha farmatu słužeńnia.
Na videa bačna, jak jon zachodzić u džakuzi, saunu i navat uźbirajecca na tramplin (vyšynioj z 15-paviarchovy dom) i pad samy kupał spartkompleksu.
Pad videa vielmi šmat kamientaryjaŭ: jak pazityŭnych, u jakich padpisčyki robiać kamplimienty ajcu Davidu, tak i krytyčnych. Voś niekatoryja ź ich:
- «Čamu ŭsie śviatary takija miłyja i dobryja ludzi?»
- «Z basiejna zrabili kupiel».
- «Nu jak ža biez baciuški, ciapier usio, bolš možna nie pieražyvać, navat kali płavać nie ŭmieješ, nyraj śmieła, aśviačona ž».
- «Najlepšy. Jak tolki ŭbačyŭ ciabie — uśmieška na tvary».
- «A kali tudy akunucca, to budzieš achryščany?»
Ijerej David nie pieršy raz aśviačaje niezvyčajnyja abjekty. U śniežni z takoj ža metaj jon naviedaŭ adnu z STA.
Aryštavany dyrektar Pałaca Respubliki, adzin z arhanizataraŭ Marafona adzinstva9
Kamientary
Babroŭ napeŭna z-za urału