Štučny intelekt padklučać da raspracoŭki AIS «Narmatvorčaść», jakaja budzie ŭkaraniacca ŭ 2025 hodzie. Pra heta paviedamiła namieśnica kiraŭnika Administracyi Volha Čuprys u efiry telekanała «Pieršy infarmacyjny».
Pavodle jaje słoŭ, štučny intelekt moža dapamahčy sistematyzavać dakumienty, a pry raspracoŭcy novaha akta vyznačyć, ci nie budzie jon dublavać užo pryniatyja raniej.
«Jon moža adkazać na pytańnie, ci varta ŭvohule prymać hety akt u tym vyhladzie, u jakim my płanujem jaho pryniać, bo mnohija pytańni ŭžo vyrašany, — dadała namieśnica kiraŭnika Administracyi. — Tamu tut nam treba prydumać ałharytmy i pytańni, jakija my budziem zadavać štučnamu intelektu, i dalej ź jaho dapamohaj spraścić našu narmatvorčaść i pavysić jakaść našych narmatyŭna-pravavych aktaŭ».
Volha Čuprys taksama paviedamiła pra maštabnuju reviziju zakanadaŭstva ŭ krainie, jakaja była praviedziena pa daručeńni Alaksandra Łukašenki. Metaj hetaj pracy było vyjavić supiarečnaści i niaŭzhodnienaści ŭ narmatyŭnych aktach i zrabić prymianieńnie zakanadaŭstva zručnym.
Ciapier čytajuć
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona22
Kamientary