Abvieščany pretendenty na premiju brytanskuju BAFTA.
U sieradu byli abvieščany naminanty na brytanskuju kinapremiju BAFTA 2025 hoda. Lidaram staŭ tryler «Kankłaŭ», jaki atrymaŭ 12 naminacyj, piša Bi-bi-si.
Akramia jaho, u naminacyi «Najlepšy film» znachodziacca «Anora», «Brutalist», «Vydatny nieznajomiec» i «Emilija Pieres».
U režysiorskaj katehoryi pradstaŭleny Šon Bejkier («Anora»), Brejdzi Korbet («Brutalist»), Edvard Bierhier («Kankłaŭ»), Deni Vilnioŭ («Dziuna: Častka druhaja»), Žak Adyjar («Emilija Pieres») i Karali Faržy («Substancyja»).
Na ŭznaharodu za najlepšuju mužčynskuju rolu pretendujuć Edryjan Broŭdzi («Brutalist»), Cimaci Šałamie («Vydatny nieznajomiec» / «Nikomu nieviadomy»), Rejf Fajns («Kankłaŭ»), Chju Hrant («Jeretyk»), Kołman Daminha («Sinh-Sinh»), Siebaśćian Sten («Vučań. Uzychodžańnie Trampa»).
U katehoryi «Najlepšaja žanočaja rola» pradstaŭleny Karła Safija Haskon («Emilija Pieres»), Majki Medysan («Anora»), Demi Mur («Substancyja»), Sirša Ronan («Vyhan»).
Łatvijski multfilm Straume («Płyń»), jaki ŭžo zavajavaŭ amierykanski «Załaty hłobus», taksama pretenduje na ŭznaharodu BAFTA ŭ adpaviednaj katehoryi.
Rasijski akcior Jura Barysaŭ uvajšoŭ u śpis pretendentaŭ na naminacyju «Najlepšy akcior druhoha płana» («Anora»).
Stali viadomyja pieramožcy kinapremii «Załaty hłobus»
Tryumf Łatvii: animacyjny film pra kata vyjaviŭsia lepšym navat za mulcik ad Pixar, samy kasavy ŭ historyi
U novym kino raskryli «Adysieju» ź niezvyčajnaha boku — atrymałasia vielmi pryhoža
«Kankłaŭ». Drama, jakaja tonka daśleduje miežy hrešnaści čałavieka, ale kansiervatyŭnuju publiku čakaje šok
Ciapier čytajuć
Tusk zajaviŭ pra hatoŭnaść adkryć Babroŭniki i Kuźnicu ź listapada55
Kamientary