«Dziaŭčynka, ty bolš nie hubiernatar». Trudo zajaviŭ, što Kanada nie stanie častkaj ZŠA, jamu hruba adkazaŭ Mask
Premjer-ministr Kanady prakamientavaŭ vykazvańni Trampa, što kraina choča stać štatam ZŠA.
Džaścin Trudo zajaviŭ, što Kanada nie ŭvojdzie ŭ skład ZŠA. Pra heta kanadski premjer-ministr, jaki sioleta pakinie svaju pasadu, napisaŭ u tvitary.
«Niama nivodnaha šancu, što Kanada stanie častkaj ZŠA. Rabotniki i supolnaści ŭ abiedźviuch krainach vyjhrajuć ad taho, što źjaŭlajucca najbujniejšymi handlovymi partniorami i partniorami ŭ śfiery biaśpieki», — napisaŭ Trudo.
Jamu hruba adkazaŭ uładalnik X i paplečnik Trampa Iłan Mask.
«Dziaŭčynka, ty bolš nie hubiernatar Kanady, tak što ŭsio roŭna, što ty kažaš», — napisaŭ miljarder u repłajach.
Abrany prezident Donald Tramp nie raz nazyvaŭ Trudo «hubiernataram Kanady». Napiaredadni jon čarhovy raz zajaviŭ, što kanadcy nibyta chočuć stać 51-m štatam ZŠA. Zatym Tramp u svajoj sacsietcy apublikavaŭ kartu, na jakoj Kanada znachodzicca ŭ składzie Złučanych Štataŭ.
6 studzienia Trudo zajaviŭ, što pakidaje pasadu lidara kiroŭnaj Libieralnaj partyi. Paśla abrańnia novaha kiraŭnika jon pakinie i pasadu premjer-ministra.
-
Vienhryja vysyłaje adrazu 10 rasijskich dypłamataŭ. Takoha raniej nie było
-
«Sotni kurdaŭ raskazvajuć pra suviaź z dačkoj premjera Kurdystana. I tolki 1% zajaŭ na prytułak ad mihrantaŭ u Brytanii sapraŭdnyja»
-
U Hiermanii ŭpieršyniu pieraabstalujuć aŭtazavod pad abaronnaje pradpryjemstva — im stanie pradpryjemstva Volkswagen
Ciapier čytajuć
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj33
Kamientary
Moža para zrabić asobnuju rubryku Mask-Tramp, bo vielmi šmat pra ich pišacie? Zrazumieła, što tolki ŭ adpaviednym tonie, što vydatna pakazali vybary ŭ ZŠA, ale tym nie mienš.