U sutareńniach vilenskaj katedry znajšli schavanyja ŭ 1939-m karony vialikich kniazioŭ
Siarod znachodak — u tym liku karona, skipietr i try piarścionki z truny Barbary Radzivił.
U tajemnym schoviščy Kafiedralnaha sabora Vilni źbierahlisia pachavalnyja rehalii vaładaroŭ VKŁ i Polščy, paviedamlaje LRT.
«16 śniežnia 2024 hoda ŭ sutareńniach znajšli schovanku, dzie ŭ 1939 hodzie, z pačatkam Druhoj suśvietnaj vajny, byli schavanyja karaleŭskija rehalii. U tajniku znojdzienyja rehalii, pryznačanyja dla pachavańniaŭ vaładaroŭ VKŁ i Polščy — Alaksandra, Lizaviety i Barbary», — paviedamiŭ arcybiskup Vilni, mitrapalit Hintaras Hrušas.
Pavodle jaho słoŭ, siarod znachodak — karona polskaha karala i vialikaha kniazia litoŭskaha Alaksandra, a taksama karona žonki vialikaha kniazia litoŭskaha i karala Polščy Kazimira Jahiełona — Lizaviety Habsburh, znojdzieny jaje łancužok, miedaljon, piarścionak i šylda z truny.
Taksama byli znojdzieny karona, skipietr, try piarścionki, łancužok i dźvie šyldy z truny Barbary Radzivił — žonki vialikaha kniazia litoŭskaha i polskaha karala Žyhimonta Aŭhusta.
«Hetyja karony nie vykarystoŭvalisia pry žyćci pravicielaŭ, jany byli vyrablenyja ŭžo paśla ich śmierci i pryznačanyja dla pachavalnych cyrymonij», — adznačyŭ Hintaras Hrušas.
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać6
Kamientary