Premjer Słavakii pryhraziŭ skaracić dapamohu ŭkrainskim uciekačam u adkaz na spynieńnie pastavak rasijskaha hazu
Straty Robiert Fica acaniŭ u amal 500 miljonaŭ jeŭra.
Partyja Smer, lidaram jakoj źjaŭlajecca Robiert Fica, razhledzić pytańnie ab spynieńni pastavak elektraenierhii va Ukrainu, źmianšeńni dapamohi ŭkrainskim uciekačam, a taksama zapatrabuje adnaŭleńnia tranzitu hazu abo kampiensacyi strat, jakija, pavodle słoŭ premjera, Słavakija paniesła ŭ vyniku spynieńnia pastavak rasijskaha hazu, piša Radyjo Svaboda.
Straty jon acaniŭ u amal 500 miljonaŭ jeŭra.
«Ja zajaŭlaju, što [maja partyja] hatovaja vieści dyskusii i dasiahnuć damoŭlenaściaŭ u kaalicyi ab spynieńni pastavak elektraenierhii i istotnym źnižeńni padtrymki hramadzian Ukrainy ŭ Słavakii», — skazaŭ Fica.
Jon taksama nazvaŭ spynieńnie pastavak hazu «sabatažam» z boku prezidenta Ukrainy Uładzimira Zialenskaha. U Słavakii jość alternatyŭnyja krynicy pastavak hazu, ale Fica adznačaje, što kraina stracić ułasnyja prybytki ad tranzitu i budzie płacić dadatkovyja tranzitnyja zbory za pastaŭki nierasijskaha hazu.
Ekspart rasijskaha hazu praz Ukrainu spyniŭsia 1 studzienia, bo skončyŭsia termin dziejańnia tranzitnaha kantraktu pamiž Rasijaj i Ukrainaj. Słavakija patrabavała ad Ukrainy praciahnuć dziejańnie pahadnieńnia.
Ciapier čytajuć
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić88
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić8
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci55
Kamientary