Biełaruski fatohraf abvinavačvaje Illu Jašyna ŭ tym, što toj u svaim instahramie niezakonna apublikavaŭ svoj partret
Jaŭhien Jerčak prosić ad rasijskaha apazicyjaniera 1200 jeŭra kampiensacyi za fota, uziatyja biez dazvołu.
21 vieraśnia 2024 hoda rasijski apazicyjanier Illa Jašyn pryjazdžaŭ u Vilniu, kab sustrecca z prychilnikami. Adnym z fatohrafaŭ na toj sustrečy byŭ biełarus Jaŭhien Jerčak — jon atrymaŭ akredytacyju ad adnaho ź litoŭskich vydańniaŭ. A praź niekalki dzion pabačyŭ zroblenyja ŭłasnaruč partrety Illi Jašyna i inšyja zdymki ź mierapryjemstva ŭ instahramie Illi Jašyna.
Fatohrafa aburyła toje, što ŭ jaho nie pytalisia dazvołu na publikacyju zdymkaŭ, a kala ich nie paznačyli ni aŭtarstva, ni toje, u jakoha miedyja ŭziali hetyja fatahrafii.
Jerčak ličyć, što pakolki zdymki byli zroblenyja na publičnym mierapryjemstvie, sam Jašyn nie maje na ich nijakich pravoŭ.
Kab vypravić situacyju, Jaŭhien napisaŭ Jašynu paviedamleńnie ŭ instahramie, paśla pakinuŭ kamientar tym samym dopisam, a ŭrešcie dasłaŭ rasijskamu apazicyjanieru aficyjnuju pretenziju na parušeńnie aŭtarskich pravoŭ i prapanavaŭ apłacić vykarystanyja zdymki. Z taho času prajšoŭ miesiac, ale adkazu znoŭ nie było.
U fotaahienctva Getty zdymki anałahičnaha pamieru pradajucca pa košcie 300 jeŭra za fota. Ciapier havorka idzie pra čatyry zdymki, tamu Jerčak u svajoj pretenzii prapanavaŭ zapłacić jamu 1200 jeŭra.
Pa słovach siabroŭ Jerčaka, jon razhladaje hetuju sumu jak štraf za parušeńnie aŭtarskich pravoŭ i admovu ad kamunikacyi. Maŭlaŭ, kali b Jašyn adrazu adkazaŭ jamu, paprasiŭ prabačeńnia i paznačyŭ aŭtarstva, pretenzij by nie było. Ale pakolki fatohrafa ihnarujuć užo try miesiacy, jon vyrašyŭ źmianić padychod da situacyi.
«Naša Niva» — bastyjon biełaruščyny
PADTRYMAĆ
Były pamočnik Łukašenki Ihar Bryło pryznaŭ, što nabraŭ chabaraŭ na $2 miljony10
Kamientary
Znoŭ taki śviatło vykarystana.
A ci była damova z elektrykam? Dzie jaho imia?
Moža toj fatohraf naturalna skarystaŭsia fatonami i dziakuj nie skazaŭ.