Chłopčyk, jaki viartaŭsia sa škoły ŭ mascy Jakuboviča i staŭ zorkaj tyktoku, raskazaŭ pra svoj prykoł
Niadaŭna biełaruska vykłała ŭ tyktoku rolik pra toje, jak jaje syn viartajecca sa škoły. Na chłopčyku — maska z tvaram Leanida Jakuboviča, viadučaha rasijskaj pieradačy «Pole cudaŭ». «Pakul syn išoŭ sa škoły, try ałkašy kinuli pić», — padpisała jana videa. Rolik staŭ virusnym.
Hierojem rolika akazaŭsia chłopčyk Illa z Maładziečna. Jon raskazaŭ maładziečanskamu pabliku, adkul u jaho takaja maska:
«Zachodžu na «Vajłdbieryz», pišu «maska śmiešnaja». Baču — Jakubovič. Dumaju: čamu nie kupić?»
Chłopčyk raskazvaje, što kali išoŭ pa vulicy ŭ mascy Jakuboviča, śpiecyjalna vitaŭsia ź ludźmi, kab jany źviartali na jaho ŭvahu, i hladzieŭ na ich reakcyju.
Niekatoryja śmiajalisia, a adzin minak skazaŭ: «Rana ty ŭ dzieda pieraŭtvaraješsia».
«Na nastupnuju ranicu mianie mama budzić, kaža: Illa, na tvaim videa 1,2 młn prahladaŭ», — zhadvaje školnik.
Ciapier toj rolik nabraŭ užo 12,6 młn prahladaŭ.
Illa padziakavaŭ usim, chto napisaŭ dobryja kamientary i pastaviŭ łajki pad tym žartaŭlivym videa.
Miljanier Varabiej atrymaŭ prava na zabudovu centra Minska — uzamien za darahuju kliniku dla Łukašenki7
Kamientary