Na Forumie imia Kaściuški ŭ Hdańsku Lech Valensa atrymaŭ biełaruskuju ŭznaharodu, a Aleś Bialacki — polskuju
U Hdańsku prachodzić 2‑i Kaściuškaŭski forum u padtrymku jeŭrapiejskaj budučyni Biełarusi. Jon pryśviečany roli kultury ŭ zmahańni biełarusaŭ za svaje pravy i stratehii viartańnia Biełarusi ŭ ahulnajeŭrapiejskuju prastoru, piša Radyjo Svaboda.
Siarod zaprošanych — biełaruskija demakratyčnyja palityki ŭ vyhnańni, łaŭreaty Nobieleŭskaj premii miru Aleś Bialacki i Lech Valensa, a taksama vice-premjer i ministr zamiežnych spraŭ Polščy Radasłaŭ Sikorski. MZS Polščy z nahody forumu zajaviła:
«My arhanizujem Kaściuškaŭski forum, pierakananyja, što kultura — heta płatforma, na jakoj budujecca salidarnaść pamiž narodami i daje hołas tym, chto patrabuje hramadzianskich pravoŭ. Bolš za toje, heta praktyčny instrumient dla pabudovy davieru i doŭhaterminovych adnosin pamiž biełaruskimi palityčnymi i sacyjalnymi dziejačami i ich partniorami z Polščy, Ukrainy, Litvy i inšych jeŭrapiejskich krain».
Dziakujučy dyjałohu ŭ kultury demakratyčnaja Biełaruś stanovicca ŭdzielnikam ahulnajeŭrapiejskaj prastory supracoŭnictva, a nie pustym miescam ci abjektam sučasnaj palityki, — zajaŭlaje arhanizatar forumu — Ministerstva zamiežnych spraŭ Polščy.
«Heta robić Jeŭropu bolš ustojlivaj da aŭtarytaryzmu, umacoŭvaje jeŭrapiejskuju biaśpieku i ŭjaŭlaje saboj inviestycyju ŭ ahulnuju budučyniu, zasnavanuju na ŭzajemnym daviery i adkaznaści», — ličyć MZS Polščy.
Forum prachodzić z udziełam kiraŭnika polskaj dypłamatyi Radasłava Sikorskaha, byłoha prezidenta Polščy Lecha Valensy, a taksama palitykaŭ ź Jeŭrapiejskaha sajuza i Ukrainy.
Śviatłana Cichanoŭskaja vystupiła na forumie pa videasuviazi. Jana zajaviła, što biełarusy i palaki razam zmahalisia za svabodu, vitała vyzvalenych palitviaźniaŭ, u tym liku Alesia Bialackaha, Andžeja Pačobuta, i padkreśliła, što praciahvaje zmahańnie za ŭsich palitviaźniaŭ i represavanych u Biełarusi.
Ad imia Abjadnanaha pierachodnaha kabinieta Pavieł Łatuška uručyŭ Kryž dobrasusiedstva byłomu prezidentu Polščy Lechu Valensie. Uznaharodu na cyrymonii atrymaŭ jaho syn Bohdan.
U svajoj pramovie Bialacki adznačyŭ pryncyp salidarnaści jak asnovu svajho žyćcia, a taksama kaštoŭnaść supolnaj baraćby suprać tatalitaryzmu i impieryjalizmu. Jon zajaviŭ:
«Salidarnaść dla mianie asabliva pačesnaja. Salidarnaść u abaronie fundamientalnych pravoŭ čałavieka, u abaronie viaźniaŭ sumleńnia i prava naroda na niezaležny šlach. Kali salidarnaść pierasiahaje nacyjanalnyja miežy, jaje niemahčyma zadušyć».
Bialacki taksama padkreśliŭ, što biełaruski narod nie źmiryŭsia i što Biełaruś abaviazkova stanie volnaj.
Na forumie taksama ŭšanavali žonku Alesia Bialackaha Natallu Pinčuk za jaje dziejnaść u padtrymku demakratyčnaj Biełarusi.
Pieršy mižnarodny Kaściuškaŭski forum adbyŭsia ŭ Hdańsku 3—4 lutaha 2025 hoda i byŭ pryśviečany stratehičnamu bačańniu viartańnia Biełarusi ŭ jeŭrapiejskuju siamju.
Taksama ŭ Jeŭrapiejskim centry salidarnaści 3 červienia adbudziecca adkrytaja sustreča z Alesiam Bialackim.
-
Statkievič: Kali znoŭ pačnucca masavyja pratesty, jany ŭžo nie buduć takimi mirnymi, jak u 2020‑m. A ES pravilna pierastaŭ vieryć kazkam Łukašenki
-
Da hadaviny vialikaha narodnaha ŭzdymu 2020‑ha ŭ Vilni projduć marš z bubnačami, prabieh i kancert
-
Z Mjanmy na radzimu viarnułasia biełaruska, jakuju tam prymusova ŭtrymlivali
Ciapier čytajuć
Statkievič: Kali znoŭ pačnucca masavyja pratesty, jany ŭžo nie buduć takimi mirnymi, jak u 2020‑m. A ES pravilna pierastaŭ vieryć kazkam Łukašenki6
Statkievič: Kali znoŭ pačnucca masavyja pratesty, jany ŭžo nie buduć takimi mirnymi, jak u 2020‑m. A ES pravilna pierastaŭ vieryć kazkam Łukašenki
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru22
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru2
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
Kamientary
Nie, takoje tolki ŭ Rasiei i Biełarusi, na "Bieśśmiarotnych pałkach".