Kiroŭca ŭ šoku ad taho, jak dzieci zahadzili aŭtobus paśla ekskursii
«A paśla pytajucca: a čamu kiroŭcy złyja, čamu kiroŭcy buchajuć…» Videa sabrała miljon prahladaŭ.
Biełaruski kiroŭca aŭtobusa pakazaŭ, što robicca ŭ sałonie paśla školnaj ekskursii. Na videa, jakoje mužčyna vykłaŭ u tyktoku, bačny abhortki ad ježy, kroški, skurka ad banana i navat zabyty krasovak.
«Pavažanyja baćki, navučycie svaich dziaciej kultury. I piedahohi — vy ž chočacie zajści ŭ čysty aŭtobus, pryhožy. A zaraz kiroŭcu hadzinu heta ŭsio prybirać. A paśla pytajucca: a čamu kiroŭcy złyja, čamu kiroŭcy buchajuć… Tamu što kali tut nie buchać, ty hałavoj pajedzieš», — aburajecca mužčyna, pakul chodzić pa sałonie ź vienikam.
«Strašna, prosta strašna», — kamientuje jon biesparadak.
Kiroŭca dadaje, što dzieci na ekskursii byli nie z prostaj škoły, a z himnazii.
Videa sabrała miljon prahladaŭ.
U kamientarach prapanujuć vystavić rachunak škole za pryborku abo nastupnym razam nie vypuskać dziaciej, pakul jany nie prybiaruć za saboj.
«My paśla apošniaj pajezdki paprasili kiroŭcu nie adčyniać dźviery aŭtobusa, pakul dzieci nie naviaduć paradak na svaich miescach. Baćki chvilin 7 čakali», — dzielacca ŭ kamientaryjach.
Chtości dadaje, što nie dazvalaje školnikam jeści ŭ aŭtobusie.
-
Ź bienzinam biada, a jeli na bardziury: byłaja frystajlistka Asol Śliviec z čatyrma dziećmi viartajecca z adpačynku ŭ Rasii
-
U Hrodzienskim zaaparku alpaka kataje na śpinie dahiestanskaje turania VIDEA
-
Biełaruskaja błohierka źjeździła ź siabroŭkami ŭ Picier i pierakananaja, što zasialiłasia ŭ kvateru z «pałterhiejstam»
Śvieckaje žyćcio Darji Šmanaj: dni naradžeńnia dziaciej Kirkorava i Comedy Club4
Kamientary