Miedsiastru z «Sineva» asudzili na niemały termin pa palityčnym artykule i abvieścili terarystkaj
30-hadovaj Viktoryi Vieras pahražała da 12 hadoŭ źniavoleńnia.
22 śniežnia Viktoryja Vieras adśviatkuje dzień naradžeńnia. Joj spaŭniajecca 30 hadoŭ, ale kruhłuju datu dziaŭčyna sustrakaje nie ź siamjoj, a ŭ kamiery SIZA. Jana palityčnaja źniavolenaja, a ciapier jašče i «terarystka».
Viktoryja ź Minska, skončyła miedycynski kaledž. Spačatku pracavała ŭ dziaržaŭnych paliklinikach, paśla — u miedcentry «Sineva».
Čałaviek, jaki viedaje Viktoryju pa kaledžy, raskazaŭ «Našaj Nivie», što ŭ studenckija hady jana nie cikaviłasia palitykaj i nikoli nie była publičnaj aktyvistkaj. Adnak padziei 2020 hoda źmianili da niepaznavalnaści žyćci dziasiatkaŭ tysiač, kali nie sotniaŭ tysiač biełarusaŭ. I Vieras nie stała vyklučeńniem.
Nieviadoma, kali Viktoryju zatrymali. Apošni sud nad joj skončyŭsia 18 listapada 2024 hoda. Dziaŭčynu sudzili pa troch artykułach — «zakliki da sankcyjaŭ» (č. 3 art. 361 KK), «raspalvańnie varožaści» (č. 1 art. 130 KK) i «ŭdzieł u dziejańniach, jakija hruba parušajuć hramadski paradak» (č. 1 art. 342 KK). Joj pahražaŭ termin da 12 hadoŭ. Prysud nieviadomy.
Sudziła jaje Śviatłana Čarapanava. My pryśviačali joj asobny artykuł.
A ciapier imia Viktoryi Vieras źjaviłasia ŭ śpisie «terarystaŭ», jaki składaje KDB. Paviedamlajecca, što prysud ustupiŭ u siłu — padobna, apielacyju na prysud dziaŭčyna nie padavała.
«Naša Niva» — bastyjon biełaruščyny
PADTRYMAĆCiapier čytajuć
U 2020 hodzie jabaćka Amina «aktyŭna hałasavała» za Łukašenku. A ciapier nie razumieje, čamu rodnaja maci na jaje daniesła, a milicyja zatrymała27
Kamientary
Ale varjat Łukašenka (jak i Asad) vystupiŭ suprać bolšaści narodu abapirajučysia na padtrymku Maskovii, na hvałt i teror.
Ni ŭ vodnaj demakratyčnaj krainie prajava hramaciej pazicyi nie źjaŭlajecca złačynstvam.
Złačynca heta Łukašenka. Jahonaja siamiejka złačyncy. Jahonyja apryčniki złačyncy. Jany tvorać złačynstva suprać čałaviectva i hetaje złačynstva nie maje terminu daŭniny.
Pra jakuju "pieraharnuć staronku" pamiž achviarami i złačyncami? Złačyncami jakija tvorać złačynstvy suprać čałaviectva, jakija faktyčna tvorać hienacyd biełaruskaha narodu. Złačyncy jakija zdradzili Biełarusi i ŭ jakich ruki ŭ kryvi biełaruskaha narodu ad jakoj im nie admycca nikoli.