Frydman: Usia hetaja rytoryka pra ŭdzieł Łukašenki ŭ pieramovach užo nadakučyła ŭkraincam
Čamu łukašenkaŭski režym nastojvaje na ŭdziele ŭ patencyjnych pieramovach pa ŭrehulavańni kanfliktu va Ukrainie i jakija tut mahčymyja varyjanty, razvažaje ahladalnik Alaksandr Frydman.
16 śniežnia 2024 hoda namieśnik ministra zamiežnych spraŭ Biełarusi Juryj Ambrazievič zajaviŭ, što Minsk chacieŭ by ŭdzielničać u patencyjnych pieramovach pa ŭrehulavańni kanfliktu va Ukrainie.
Pierśpiektyvy ŭdziełu režymu ŭ hetych mahčymych pieramovach razhladalisia ŭ pieradačy «Frydman, Palityka», dzie razmaŭlali historyk i palityčny ahladalnik Alaksandr Frydman i žurnalist Illa Malinoŭski.
Surazmoŭcy adznačyli, što aficyjny Minsk pazicyjanuje siabie jak zacikaŭleny bok, jaki imkniecca da miru, i sprabuje pradstavić siabie ŭ roli pasiarednika abo haranta.
Adnak, jak zaŭvažyŭ Frydman, z boku Ukrainy i Zachadu takoje žadańnie ŭsprymajecca nadzvyčaj skieptyčna. Pryčyna vidavočnaja: Biełaruś dała svaju terytoryju dla rasijskich vojskaŭ, i jaje rola ŭ hetym kanflikcie nie moža razhladacca jak niejtralnaja abo miratvorčaja.
«Usia hetaja rytoryka, jakaja zychodzić ad Łukašenki i biełaruskaha MZS pra toje, što jany chočuć udzielničać u pieramovach, vidać, ukraincam nadakučyła», — adznačyŭ Frydman. Śviedčyć pra heta niadaŭniaja reakcyja ŭkrainskaj dypłamatyi, jakaja była davoli ćviordaj.
Nahadajem, što ŭkrainskaje MZS u adkaz na zajavu Ambrazieviča paviedamiła, što biełaruski režym moža pretendavać chiba što tolki «na spraviadlivy razhlad u ramkach pracesu pa pryciahnieńni ahresara i jaho pasłuhačoŭ» da adkaznaści.
U pierśpiektyvie paślavajennaha ŭładkavańnia Jeŭropy tearetyčna mahła b uźniknuć dyskusija pra toje, chto budzie pradstaŭlać Biełaruś za stałom pieramovaŭ — Łukašenka ci demakratyčnyja siły ŭ vyhnańni (naprykład, kamanda Śviatłany Cichanoŭskaj).
«Kali takija pieramovy adbuducca, to Rasija zrobić usio, kab u ich udzielničaŭ Łukašenka», — miarkuje Frydman. Ale tut dadaje:
«Ź inšaha boku, na Zachadzie, mahčyma, budzie ŭźniataje pytańnie i pra ŭdzieł u takoha rodu pieramovach demakratyčnaj Biełarusi, Śviatłany Cichanoŭskaj i jaje atačeńnia».
«Kampiensacyja za parazu ŭ Siryi». Što staić za zajavaj Miadźviedzieva nakont «novych rehijonaŭ» Rasii
Frydman: Los Asada pakazvaje, što Łukašenku «arešniki» nie dapamohuć
Frydman: Epocha libieralnaj demakratyi zaviaršajecca
Frydman: Paśla vajny cisk Maskvy na Łukašenku pavialičycca
Frydman: Łukašenka razumieje, što fizična nie paśpieje pieradać uładu Kolu
Ciapier čytajuć
Kryk dušy Biaspałava pra Cichanoŭskaha: Jon pieratvarajecca ŭ Łukašenku 2.0, heta trajanski koń73
Kamientary