Śpiavak Rusłan Alachno: Z 2022 hoda ja byŭ na Danbasie dzieviać razoŭ. A ŭ 2014-m pajechaŭ u Krym z Kabzonam
«Zaraz idzie baraćba pamiž dabrom i złom. A pamiž dabrom i złom zaŭsiody staić duša čałavieka i toje, jaki bok abiare kožny z nas».
Śpiavak Rusłan Alachno, zasłužany artyst Biełarusi (2021), udzielnik Jeŭrabačańnia (2008) i pieramožca rasijskaha konkursu «Narodny artyst» (2004) čarhovy raz raskazaŭ pra svaje prarasijskija i prałukašenkaŭskija pohlady.
Pryvodzim niekatoryja jaho cytaty z intervju «SB».
Pra patryjatyzm i Łukašenku
«Dla mianie Radzima — heta siamja, dzie my pavažajem baćku i šanujem maci. Baćka dla nas — prezident, maci — naša Biełaruś».
Pra pajezdki ŭ zony rasijskich kanfliktaŭ
«Ciažka skazać, što mianie padšturchnuła. Hetyja pajezdki ŭ maim žyćci prysutničajuć z 2013 hodu, kali ja pieršy raz pabyvaŭ u Čačni. Potym u 2015-m upieršyniu adpraviŭsia ŭ Siryju… U Danbasie ja z 2022 hoda byŭ dzieviać razoŭ. Zaprašajuć u hetyja pajezdki mianie jak artysta, jak čałavieka cyvilnaha, viadoma. Bo i ŭ časy Vialikaj Ajčynnaj vajny frantavyja bryhady pryjazdžali na front i padtrymlivali bajcoŭ, dla jakich siła duchu vielmi važnaja. I heta častka prafiesii — pajechać i ŭ takija miescy. Nie asabliva afišuju i nie vielmi lublu pra heta kazać».
«Ja z 2014 hoda pad jeŭrapiejskimi sankcyjami, paśla pieršaj pajezdki ŭ Krym ź Iosifam Kabzonam».
Pra padarunki na vajnu
— Nakolki ja viedaju, vy nie prosta jeździcie z kancertami na vajnu, a viaziecie jašče i humanitarnuju dapamohu — pryčym z vašych ułasnych srodkaŭ…
— Chto što moža, toje i viazie. I ja viedaju, što, kali niešta pieradam ułasnaručna, heta budzie kropkavaja dapamoha. Akramia taho, kali jeździŭ u Mielitopal, my zajazdžali ŭ mužčynski manastyr i ja padaryŭ śpiecyjalna dla ich napisany abraz śviatoha Alaksandra Nieŭskaha — apiekuna voinaŭ, jakoha ŭ ich nie było.
Apublikavali razmovy žonki Bałaby, u jakich jana sprabuje schavać ad muža troch kachankaŭ, u tym liku Rusłana Alachno
Rusłan Alachno na rasijskim telebačańni paprasiŭ pajeści. Małachaŭ daŭ jamu sała
Doktar Maryjarci biełaruskaj estrady. Vy nie pavierycie, chto piša patryjatyčnyja pieśni dla dziaržTB i karparatyvaŭ siłavikoŭ
Kamientary
Ťfu, smotrieť protivno, a słušať tiem boleje.
Tolko čieriez lizanije dupy fiuriera tv jeŝio mielkajet na tv, kak jeho nie staniet, budieš bomžom!