Jeŭrapiejskaja kamisija pryniała kamiunikie, nakiravanaje na ŭmacavańnie biaśpieki miežaŭ Jeŭrasajuza i padtrymku krain ES u baraćbie z hibrydnymi pahrozami, źviazanymi z vykarystańniem mihracyi jak zbroi z boku Biełarusi i Rasii. Krainam, jakija miažujuć ź Biełaruśsiu i Rasijaj, budzie vydzielena dadatkovaja dapamoha i dazvalajecca ŭ niekatorych vypadkach abmiažoŭvać prava na prytułak.
Jeŭrakamisija ličyć, što dziaržavy, jakija miažujuć ź Biełaruśsiu i Rasijaj, pavinny va ŭmovach pastajannych hibrydnych pahroz dziejničać rašuča. Dla ŭmacavańnia miežaŭ im budzie vydzielenaja dadatkovaja padtrymka.
Polšča atrymaje 52 młn jeŭra, Finlandyja — 50 młn, Estonija — 19,4 młn, Łatvija — 17 młn, Narviehija — 16,4 młn, Litva — 15,4 młn.
«My zrabili jašče adzin rašučy krok, kab padtrymać dziaržavy-členy na pieradavoj u baraćbie z hibrydnymi pahrozami z boku Rasii i Biełarusi, źviazanymi ź niedapuščalnym vykarystańniem mihracyi jak zbroi. […] Dyktataram nikoli nielha dazvalać vykarystoŭvać našy jeŭrapiejskija kaštoŭnaści suprać nas», — zajaviła kiraŭnica Jeŭrakamisii Ursuła fon der Lajen.
Kamiunikie vyznačaje ramki dziejańniaŭ, zaklikanych nie dapuścić vykarystańnie Biełaruśsiu i Rasijaj pryncypaŭ i kaštoŭnaściaŭ Jeŭrasajuza suprać samoha Jeŭrasajuza. U dakumiencie adznačajecca, što Biełaruś i RF vykarystoŭvajuć ludziej dla varožych dziejańniaŭ, ihnarujučy ich uraźlivaść.
«Jany vykarystoŭvajuć hetuju hibrydnuju vajnu jak palityčny instrumient dla destabilizacyi našych hramadstvaŭ, padryvu adzinstva ES i pahrozy biaśpiecy dy cełasnaści Šenhienskaj zony i Sajuza ŭ cełym», — havorycca ŭ kamiunikie.
Adznačajecca, što krainy ES pry abaronie vonkavych miežaŭ pavinny vykonvać asnoŭnyja pravy i zabaronu na prymusovaje viartańnie, ale z pryčyny surjoznaha charaktaru i stałaści pahroz na miežach ź Biełaruśsiu i Rasijaj krainy ES mohuć u vyklučnych vypadkach «pajści dalej, čym praduhledžana druhasnym zakanadaŭstvam ES pad kantrolem Jeŭrapiejskaha suda».
«Heta moža ŭklučać zachady, jakija mohuć paciahnuć za saboj surjoznaje ŭmiašańnie ŭ asnoŭnyja pravy, takija jak prava na prytułak i źviazanyja ź im harantyi z ulikam patrabavańniaŭ Chartyi», — havorycca ŭ dakumienty.
Udakładniajecca, što takija miery pavinny być suraźmiernymi, časovymi i abmiažoŭvacca strohaj nieabchodnaściu ŭ vyrazna vyznačanych vypadkach.
Siryjskija ŭciekačy masava viartajucca na radzimu paśla źviaržeńnia režymu Bašara Asada
Duda: My viartajem žaleznuju zasłonu na miažy ź Biełaruśsiu i Rasijaj, choča taho Zachad ci nie
Premjer Polščy zajaviŭ, što ŭ ES razumiejuć jaho mihracyjnuju palityku
Duda i Tusk u Siejmie paspračalisia pra biełarusaŭ: prezident abvinavaciŭ premjera ŭ tym, što jon choča pazbavić ich prava na prytułak
Urad Polščy ŭchvaliŭ stratehiju supraćdziejańnia nielehalnaj mihracyi. Stali viadomyja novyja detali
Tusk choča pastrožyć mihracyjnuju palityku ŭ Polščy, ale aktyŭna pryciahvać pracoŭnyja resursy
Ciapier čytajuć
Novy Niurnbierh. Jeŭropa stvaraje Śpiectrybunał pa vajnie va Ukrainie — ci zmohuć asudzić Łukašenku?7
Kamientary
I infarmacyja dreńnia dla roznych NDA aktyvistaŭ, jakija dapamahajuć nielehalnym mihrantam, u tym liku na pol-bieł miažy dy faktyčna spryjajuć Rasii ŭ hibrydnaj vajnie.
Vydatna.
Žir tam ofihieł voobŝie