«Biuro» vyśvietliła padrabiaznaści žyćcia starejšaj unučki Alaksandra Łukašenki — Viktoryi, dački starejšaha syna Łukašenki Viktara. Siarod inšaha rasśledavalniki daviedalisia, što jana ŭžo maje dzicia, choć aficyjna pra heta nie paviedamlałasia.
Pa źviestkach rasśledavalnikaŭ, 14 sakavika 2022 hoda Viktoryja Łukašenka, užo na toj momant Dziatłava, aformiła adpačynak pa ciažarnaści i rodach. Z 18 lipienia jana aficyjna pajšła ŭ dekret — z hetaj daty miedycynski centr pačynaje markiravać kantrakt starejšaj unučki Łukašenki kodam «dzieci100».
U dekrecie Viktoryja prasiadzieła ŭvieś 2023 hod, a ŭ lutym 2024 hoda atrymała pasadu druhoha sakratara ŭ Ministerstvie zamiežnych spraŭ Biełarusi.
Pierad dekretam Viktoryja Łukašenki niekalki hadoŭ pracavała ŭ kampanijach, źviazanych z «kašalkami» Łukašenki. Tak, u žniŭni 2018 hoda, jašče studentkaj, jana padpracoŭvała ŭ kampanii «Art Chaos», jakaja vałodaje adnajmiennaj mastackaj halerejaj u staličnym šopinh-mole Dana Mall. Naležaŭ hety biznes sierbskim bratam Bahalubu i Drahamiru Karyčam, a dyrektarkaj halerei z 2017 hoda źjaŭlajecca maci Viktoryi — Lilija Łukašenka. Paśla z hetaj halerejaj u dziaŭčyny byli źviazanyja letniaja praktyka i jašče adna pracoŭnaja damova ŭ pieryjad z 1 pa 31 studzienia 2019 hoda.
Pieraddypłomnuju praktyku Viktoryja Łukašenka prachodziła ŭ kampanii «Ruch sport mieniedžmient», jakaja naležyć inšamu kašalku Łukašenki — Alaksandru Zajcavu, ciesna źviazanamu ź Viktaram Łukašenkam, baćkam Viktoryi.
A ŭsiaho praz try miesiacy paśla zakančeńnia VNU Vika atrymała pasadu ŭ miedycynskaj klinicy Alaksieja Aleksina — «Centry spartyŭnaj reabilitacyi NIEO».
Za 4 miesiacy 2020 hoda «Centr spartyŭnaj reabilitacyi NIEO» naličyŭ Viktoryi Łukašency zarabotnuju płatu ŭ pamiery 6661 rubla — niabłaha dla maładoha śpiecyjalista, jaki tolki skončyŭ univiersitet. U 2021 hodzie dziaŭčyna sumarna zarabiła ŭ miedycynskim centry jašče 15 340 biełaruskich rubloŭ.
U hetym ža centry unučka Łukašenki ŭžo paśla dekreta sumiaščała pracu ŭ MZS, zajmajučy pasadu hałoŭnaha śpiecyjalista adździeła markietynhu.
Adnahrupnik z Połacka. «Naša Niva» daviedałasia, za kaho vyjšła zamuž unučka Łukašenki
Bolš za sto palotaŭ na kurorty i pryznačeńni paśla sumiesnaha adpačynku. Kudy i z kim lotajuć Viktar i Lilija Łukašenki
Historyja vialikaha kachańnia i vialikaj adzinoty žonki Łukašenki
Druhoj susiedkaj na bali Łukašenka abraŭ dziaŭčynu ŭzrostu svajoj unučki
Unučka Łukašenki vučycca ŭ Rasii na jurfaku MDU. Voś što pra heta viadoma
Ciapier čytajuć
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu7
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary