Ukraina admaŭlajecca ad lubych inšych harantyj biaśpieki, akramia siabroŭstva ŭ NATA
Ministerstva zamiežnych spraŭ Ukrainy ŭ dzień pačatku ministerskaj sustrečy NATA abnarodavała aficyjnuju pazicyju adnosna mahčymych harantyj biaśpieki, jakija mohuć razhladacca jak instrumient strymlivańnia ad ahresii RF.
Ukraina zahadzia admaŭlajecca ad harantyj biaśpieki, jakija mohuć być prapanavanyja joj u jakaści alternatyvy ŭstupleńniu ŭ Paŭnočnaatłantyčny aljans, vynikaje z zajavy MZS Ukrainy. Krynicy «Jeŭrapiejskaj praŭdy» paviedamlajuć, što ministr zamiežnych spraŭ Ukrainy Andrej Sibiha źbirajecca paznačyć hetuju pazicyju na sustrečy z pradstaŭnikami NATA, jakaja pačałasia 3 śniežnia ŭ Bruseli.
«My pierakananyja, što adzinaj realnaj harantyjaj biaśpieki dla Ukrainy, a taksama strymlivajučym faktaram dla dalejšaj ahresii Rasii suprać Ukrainy i inšych dziaržaŭ, źjaŭlajecca tolki paŭnapraŭnaje siabroŭstva Ukrainy ŭ NATA. <…> Majučy za plačyma horki dośvied Budapiešckaha miemaranduma, my nie prymiem nijakija alternatyvy, surahaty abo zamieńniki paŭnapraŭnaha siabroŭstva Ukrainy ŭ NATA», — havorycca ŭ dakumiencie.
MZS Ukrainy padkreślivaje, što miemarandum, pavodle jakoha Ukraina admoviłasia ad jadziernaha arsienała, jaki zastaŭsia na jaje terytoryi z časoŭ SSSR, u abmien na harantyi biaśpieki, nie vykanaŭ svaje funkcyi i nie zmoh praduchilić napad Rasii na Ukrainu.
Rasija, miž tym, mienavita pazabłokavy stutus Ukrainy nazyvaje adnoj z umoŭ dla zaklučeńnia miru.
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi1414
Kamientary