Pierad vybarami ŭ Homieli zatrymali jak minimum 10 čałaviek, dvuch — pa kryminalnaj spravie
Chvala palityčnych aryštaŭ, jakaja prakaciłasia pa Homieli ŭ kancy kastryčnika — pačatku listapada, nie skončyłasia zvyčajnymi «sutkami» i štrafami za «padpiski».
Jak viadoma «Fłahštoku», bolšaść zatrymanych dahetul utrymlivajuć u zaklučeńni, pryčym niekatorych pieraviali ŭ SIZA i abvinavačvajuć pa kryminalnych artykułach.
«Fłahštok» nie nazyvaje proźviščy represavanych i abvinavačańni, jakija im vystaŭlajuć, ale kanstatuje, što było zatrymana bolš za dziesiać čałaviek, siarod jakich jość byłyja palitźniavolenyja.
Bolšaść zatrymanych — heta ludzi, jakija nie prajaŭlali nijakaj aktyŭnaści ŭ apošnija hady, ale viadomyja jak udzielniki demakratyčnaha ruchu jašče da pratestaŭ 2020 hoda.
Pakul viadoma jak minimum pra dźvie kryminalnyja spravy i pra toje, što niekatorym z zatrymanych užo trojčy zapar prysudžali administracyjny aryšt za nibyta najaŭnaść padpisak u sacyjalnych sietkach na staronki, abvieščana ekstremisckimi.
Naprykład, tak było z Maryjaj Tulžankovaj, jakuju ŭ čarhovy raz asudzili 25 listapada — jaje sprava źjaviłasia ŭ raskładzie suda Centralnaha rajona Homiela. Rašeńnie vynosiŭ sudździa Alaksandr Piskunoŭ. Amal va ŭsich astatnich vypadkach u raskład nie ŭnosili pracesy pa «palityčnych» zatrymanych i sudzili ich biez ahałoski.
Vierahodna, taki cisk pravodzicca z-za pačatku kampanii pa pieraabrańni Alaksandra Łukašenki — režym baicca luboj aktyŭnaści, tamu siłaviki strachujucca, zakryvajučy ŭ izalatarach tych, u kim bačać chacia b minimalnuju pahrozu.
Jašče adnym ciskam u pieryjad vybarčaj kampanii stali masavyja vykliki ŭ prakuraturu žycharoŭ Homielskaj vobłaści, chto jakim-niebudź čynam «zaśviaciŭsia» jak palityčna aktyŭny.
-
«Polšča stała nie taja, što raniej». Emihranty, jakija viarnulisia ŭ Biełaruś, patłumačyli čamu i padzialilisia ŭražańniami
-
Stała viadoma, navošta na fasad adnaho z histaryčnych budynkaŭ u Minsku padčas rekanstrukcyi pastavili mietaličnyja kałony
-
«Va Ukrainie nichto nie vieryć, što tam takoje robicca». Ukrainiec, jakoha zatrymali ŭ Biełarusi za dva dni da vajny, raskazaŭ pra pakuty za kratami
Ciapier čytajuć
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady7
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary