Hienprakuratura abiacaje nie karać aŭtara rolika ŭ tyktoku, kali «ekstremiscki» resurs vykarystaje heta videa
«Nie lubaja infarmacyja, jakaja raźmiaščajecca na resursie, jaki pryznany ekstremisckim, źjaŭlajecca ekstremisckim materyjałam».
Što budzie, kali čałaviek źniaŭ biaskryŭdnaje videa ŭ tyktok, a resurs, pryznany ŭ łukašenkaŭskaj Biełarusi «ekstremisckim», raźmieścić hety materyjał u svaich sacyjalnych sietkach biez zhody aŭtara i nie painfarmavaŭšy jaho?
Na heta pytańnie ŭ efiry STB adkazaŭ načalnik adździeła pa nahladzie za vykanańniem zakanadaŭstva ab dziaržaŭnaj biaśpiecy Hienieralnaj prakuratury Biełarusi Valeryj Šulak.
«Adkaznaść za ekstremizm, jak i za luboje pravaparušeńnie, praduhledžvaje ŭsio ž taki vinu čałavieka, jaho namier na toje, kab niejkaja infarmacyja była raźmieščana na ekstremisckim resursie.
Akramia taho, nie lubaja infarmacyja, jakaja raźmiaščajecca na resursie, jaki pryznany ekstremisckim, źjaŭlajecca ekstremisckim materyjałam. Jana pavinna pieradusim raspalvać varožaść».
Pa słovach pradstaŭnika prakuratury, kali čałaviek, naprykład, źniaŭ niejkuju avaryju, a paźniej jaho videa było apublikavana na «ekstremisckim» resursie, prakuratura «naŭrad ci zmoža jaho ŭ niečym papraknuć».
Kamientary
Niaŭžo navat da niekatorych łukašystaŭ pačynaje dachodzić, što jany ŭžo daŭno 100500 razoŭ pierahnuli pałku?