Stała viadomaj samaja častaja pryčyna razvodaŭ u Biełarusi. I heta nie zdrada
U pieravažnaj bolšaści vypadkaŭ inicyjatarami razvodaŭ vystupajuć žančyny.
Samaj častaj pryčynaj razvodaŭ u Biełarusi źjaŭlajucca roznyja pohlady na žyćcio. Pra heta raskazała sudździa Viarchoŭnaha suda Viera Kruhava.
U bolš čym pałovie vypadkaŭ pryčynami, pa jakich muž i žonka skasoŭvali šlub, źjaŭlalisia:
- niepieraadolnyja adroźnieńni ŭ pohladach na dalejšaje žyćcio, adsutnaść ahulnych intaresaŭ, niesumiaščalnaść charaktaraŭ (54%);
- raździelnaje pražyvańnie na praciahu doŭhaha času (kala 20%);
- uzajemnaja strata pačućcia kachańnia i pavahi (bolš za 10%);
- najaŭnaść škodnych zvyčak u adnaho z sužencaŭ: ałkahalizm, narkamanija, hulniamanija, a taksama fakty prajavy siamiejnaha hvałtu (bolš za 10%);
- zdrady (7%).
U bolšaści vypadkaŭ (72%) inicyjataram razvodu źjaŭlalisia žančyny. Na sudach jany prysutničajuć u try razy čaściej, čym mužčyny.
Byvajuć i vypadki prymireńnia, kali muž i žonka praź niekatory čas zabirajuć zajavu na razvod — heta adbyvajecca ŭ 18% vypadkaŭ.
Pavodle słoŭ Kruhavoj, štohod skasoŭvajecca bolš za 55% šlubaŭ da liku zarehistravanych i hety pracent raście. U minułym hodzie ŭ 82% vypadkaŭ (24 963) razvodzilisia pary, jakija vychoŭvali niepaŭnaletnich dziaciej.
Kamientary
Cikava, a jak u takim vypadku jany pabralisia šlubam, pa pjanaj spravie ? :)
Jany što, zusim nia viedali adno adnaho ? Cyrk dy j hodzie, tre było niekamu ažanicca, kab vyśvietlić pohlady na žyćcio, sumiaščalnaść charaktaraŭ, i najaŭnaść ahulnych intaresaŭ !
Ja nazvaŭ by hetuju samuju šmatlikuju pryčynu skasavańnia šlubu - "tatalnaja adsutnaść hłuzdoŭ". Ale ja nia budu zajmacca pierajmienavańniem, bo nasamreč u hetaj katehoryi ludzi nia ščyryja, jakija prosta chavajuć sapraŭdnuju, kankretnuju nahodu pad ahulnymi j nietłumačalnymi, ale zručnymi skazami. Praź heta j adsotak...