Papularny padletkavy śpiavak i błohier Dzim Dzimyč zajaviŭ, što ŭstupiŭ u praŭładnuju partyju «Biełaja Ruś». Post pra heta jon apublikavaŭ u sacsietkach.
Błohier Dźmitryj Siŭčyk, viadomy pad psieŭdanimam Dzim Dzimyč, raskazaŭ padpisčykam, što staŭ členam praŭładnaj partyi «Biełaja Ruś».
Dzim Dzimyč staŭ šyroka viadomy pa-za miežami svajoj aŭdytoryi, dziakujučy danosam Volhi Bondaravaj i jaje paplečnikaŭ. Jany vinavacili błohiera ŭ ŁHBT-prapahandzie. Taksama Bondarava aburałasia, što błohier apranajecca ŭ ružovaje, a ŭ niekatorych žartaŭlivych rolikach byŭ u sukiency.
Paśla jaje skarhaŭ z sajta «Jeŭraopta» źniali rekłamu ź Dzim Dzimyčam, a jaho samoha adpravili ŭ efir da prapahandysta Ryhora Azaronka.
Paźniej błohiera-miljońnika vyklikali ŭ Ministerstva kultury. «Tam my parazmaŭlali nakont majho kantentu, unieśli pravilnyja karekciroŭki», — raspavioŭ błohier u instahramie.
Paśla danosaŭ Dzim Dzimyču zabaranili vystupać u škołach. Jon padavaŭ u sud na Bondaravu i, pavodle jaje słoŭ, prajhraŭ jaho.
Niadaŭna stała viadoma, što ź Dzim Dzimyčam, Saładucham i Jarmolenkam dla Łukašenki zapisali pieśniu «Nado!».
Ciapier sprava dajšła i da ŭstupleńnia ŭ łukašenkaŭskuju partyju.
Ciapier čytajuć
«Vitold kazaŭ: «Nu što vy, što vy…» A mianty paśla kryčali pra mora kryvi». Palitviazień z susiedniaj kamiery raskazaŭ pra śmierć Ašurka5
Kamientary
Adzinaje: prośba da biełaruskich padletkaŭ: pašyrajcie siarod siabroŭ dumku, što być padpisanym ciapier na Dzim Dzimyča - heta hańba. Baćki, kali čytajecie NN, znajdzicie słovy, kab patłumačyć dzieciam situacyju z hetym "papularnym błohieram".