Lidar ruchu «Volnaja Biełaruś» Zianon Paźniak razam sa svaim najbližejšym paplečnikam Paŭłam Usavym apublikavaŭ vinšavańnie Donalda Trampa z paŭtornym abrańniem taho na pasadu prezidenta ZŠA.
«My vykazvajem spadziavańni, što palityka novaha prezidenta i jaho administracyi ŭzmocnić pazicyi ZŠA na mižnarodnaj arenie, što pryviadzie da paŭstrymańnia ahresiŭnaha aŭtarytaryzmu, pryviadzie da pieramohi svabody i demakratyii ŭ tych hramadstvach, jakija cierpiać ad vajny i tyranii.
Vy ŭziali na siabie histaryčnuju misiju ŭ supraćstajańni z palityčnym Złom, žadajem Vam siły i voli, kab dasiahnuć pastaŭlenych metaŭ», — pišuć Paźniak i Vusaŭ.
Zianon Paźniak i raniej publična demanstravaŭ simpatyju da Donalda Trampa. Vystupajučy sioleta ŭ červieni na sustrečy sa svaimi prychilnikami ŭ Vilni, viadomy hramadski dziejač kazaŭ nastupnaje:
«Ja zaŭsiody padtrymlivaŭ Trampa, liču, što dla Amieryki heta adzin z najlepšych prezidentaŭ. Jon kałasalna paniziŭ biespracoŭje — takoha ŭzroŭniu biespracoŭja ŭ ZŠA nikoli nie było, — spryjaŭ amierykanskamu biznesu. U Druhuju suśvietnuju vajnu Amieryka pracavała ŭ try źmieny, dniom i nočču, bo ŭsie fabryki byli na jaje terytoryi, a ciapier jany ŭsie ŭ Kitai. Tramp — dobry biznesmien, jon niekalki razoŭ ciarpieŭ bankructvy i vypłyŭ».
Jon apisvaŭ Trampa jak palityka, zdolnaha da rašučych dziejańniaŭ, i jak dokaz pryvodziŭ zabojstva iranskaha vajskovaha dziejača Kasiema Sulejmani, źviazanaha z padtrymkaj hrupirovak CHAMAS i «Chiezbała». Sulejmani zahinuŭ paśla avijaŭdaru amierykancaŭ.
Paźniak ličyć, što pieramoha Trampa na vybarach budzie spryjać i kancu rasijska-ŭkrainskaj vajny — maŭlaŭ, Tramp viedaje, jak heta chutka zrabić. Zrešty, jon tady skazaŭ, što i sam viedaje, jak skončyć vajnu za dzień-dva, ale admoviŭsia kazać, jak kankretna.
Łukašenka zajaviŭ pra podźvih Trampa i pažadaŭ Amierycy «znoŭ stać vialikaj»
Cichanoŭskaja pavinšavała Trampa ź pieramohaj na vybarach
Uładzimir Zialenski pavinšavaŭ Donalda Trampa
Ci zdaść Tramp Ukrainu Rasii? Čamu demakraty razhromlenyja? Da čaho pryviadzie kantrol respublikancaŭ nad vykanaŭčaj i zakanadaŭčaj uładaj adnačasova?
Kali Ukraina zachavaje suvierenitet uzamien za niejtralnaść, što heta budzie značyć dla Biełarusi?
Ciapier čytajuć
Cichanoŭski — biełarusam: «Kali vy čakali znak, to voś jon». Prajšła pres-kanfierencyja z vyzvalenymi palitviaźniami38
Kamientary