Samy doŭhi padviesny most u Biełarusi chočuć adkryć daterminova
Rekanstrukcyju samaha doŭhaha padviesnaha mosta ŭ krainie płanujecca zaviaršyć u pieršym kvartale nastupnaha hoda, paviedamlaje aficyjny telehram-kanał staršyni Hrodzienskaha abłvykankama Uładzimira Karanika «Puł 4 rehijon». Ale ciapier staić zadača paskoryć tempy.
Hety most znachodzicca ŭ horadzie Masty za 65 km ad abłasnoha centra. Jaho rekanstrukcyja pačałasia ŭ lipieni hetaha hoda. Tady zbudavańnie całkam razabrali, a na jaho miescy zładzili pantonnuju pierapravu.
Ciapier stalovyja kanaty, jakich doŭha čakali ŭ Mastach, užo hatovyja da mantažu. Ich vaha składaje kala 40 ton, a ahulnaja daŭžynia — 2,5 kiłamietra. U hety momant na miescy rekanstrukcyi idzie budaŭnictva apor, na jakich budzie visieć most: hatovyja dźvie z čatyroch.
Usie raboty płanavałasia zaviaršyć u pieršym kvartale 2025 hoda, ale ciapier uziali kurs na farsiravanaje zaviaršeńnie budaŭnictva.
«Kali ŭsio pojdzie, jak zadumana, to moža być prahulajemsia pa abnoŭlenym moście i ŭ navahodnija śviaty», — adznačajecca ŭ telehram-kanale Karanika.
Možna mierkavać, što pieranos adkryćcia mosta na bolš rannija terminy moža być źviazany ź pieravybarami Łukašenki, pryznačanymi na 26 studzienia 2025 hoda. Raniej dumałasia, što jany projduć prynamsi na miesiac paźniej.
Raniej stała viadoma, što ŭčastak daŭžynioj 10 mietraŭ u centry novaha mosta budzie šklanym. Akramia hetaha, šklanuju padłohu ŭpryhožyć jašče i niezvyčajnaje padśviatleńnie.
Andrej Dźmitryjeŭ nie bačyć sensu vyłučać demakratyčnych kandydataŭ na prezidenckich vybarach-2025
«Nichto nie viedaŭ, što heta niešta prapahandysckaje». Čałaviek sa sportu, jaki suprać Łukašenki, źniaŭsia ŭ roliku «Nado!»
Kampartyja: Naš kandydat idzie na vybary nie zamiest, a razam z Łukašenkam
«Abiacaju, što nie budu zachoplivać uładu niekanstytucyjnym šlacham». Pra što asudžanych za palityku papiaredžvajuć pierad vybarami
Ciapier čytajuć
Na aŭtašou ŭ Lidzie ledź nie zahinuŭ adzin z samych znakamitych kaskadzioraŭ Biełarusi — jaho videa sabrali amal paŭmiljarda prahladaŭ. Što ź im ciapier?2
Kamientary
amiń
Primiery.
Vziať Finlandiju k dr Stalina
Vziať Bierlin k piervomaju.
Postroiť/zapustiť čto uhodno k vielikomu oktiabriu.