15-hadovy kandytar ź Minska robić tarty na zamovu: pryhoža, ale šalona doraha
Juny kandytar Staś Malinin pakazaŭ u tyktoku, jakija pryhožyja tarty ŭmieje hatavać. Adrazu navat składana skazać, što bolš uražvaje: styl kandytarskich vyrabaŭ, uzrost kuchara ci ceny.
Kali mierkavać pa instahramie chłopca, zajmacca sałodkim chłopiec pačaŭ u 13 hadoŭ. Ciapier jon moža zrabić amal usio: ad trajfłaŭ i maleńkich bienta-tortaŭ da viasielnych tortaŭ na niekalki jarusaŭ sa składanym dekoram.
U tyktoku Staś u adnym sa svaich rolikaŭ pakazaŭ niekatoryja prykłady svaich prac z cenami. Nie nadta vialiki tort na temu «chadziačych mierćviakoŭ» kaštuje 180 rubloŭ, tort na piacihodździe ź minimalistyčnym dekoram durnicami — 370 rubloŭ, dvuchjarusny tort z aniołam — 610 rubloŭ.
Za try dni rolik nabraŭ kala 700 tysiač prahladaŭ i bolš za 43 tysiačy łajkaŭ. A mierkavańni kamientataraŭ pradkazalna padzialilisia. Niechta ličyŭ, što ŭ «Jeŭraopcie» možna za 30 rubloŭ nabyć vydatny tort, a niechta pahadžaŭsia z tym, što pryhožy desiert ź jakasnych inhredyjentaŭ i nie moža kaštavać tanna.
U inšym videa Staś raskazaŭ pra svaju niaŭdaču. U chłopca zamovili vielizarny tort na viasielle (11 kiłahramaŭ i try jarusy) sa smakam trapičnaha šakaładu. Da hetaha momantu kandytar nie adnojčy rabiŭ viasielnyja tarty, ale nie nastolki vialikija. Staś spadziavaŭsia, što ŭsio budzie dobra, bo samu technałohiju jon viedaje: ustalavaŭ śpiecyjalnyja apory, vyraŭnavaŭ jarusy. Vyjšła ŭsio davoli pryhoža.
— I ciapier samaje cikavaje. Ja pryjazdžaju na miesca i vyśviatlajecca, što pierabłytaŭ datu — viasielle nie 12, a 14. Ale dziakuj bohu, što pierabłytaŭ. Bo pa pryjeździe da domu tort razvaliŭsia. Ja ŭličyŭ usie pamyłki i za sutki zrabiŭ taki ž torcik — i ŭsie zastalisia zadavolenyja.
Uvohule ceńnik u 15-hadovaha kandytara taki: bienta-tort — 45 rubloŭ, tort biez dekoru — ad 50 rubloŭ za kiłahram (chłopiec biare zamovy ad 1,5 kiłahrama). U svaim maleńkim telehram-kanale Staś raspaviadaje, što pryjšłosia pračnucca a šostaj ranicy, kab addać torcik. Časam skardzicca, što jon zakryŭ balničny i zaŭtra treba iści ŭ škołu.
Tajvański napoj, jaki spačatku nie spadabaŭsia biełarusam, staŭ papularnym u nas praz 10 hadoŭ
«Heta jak druhoje dzicia». Byłaja madel pierajechała ŭ Iran, a paśla viarnułasia ŭ Biełaruś z šakaładnym biznesam
Nihieryjski futbalist, jaki hulaje za «Ivacevičy», nabyŭ francuzskuju kaviarniu ŭ Breście
180 rubloŭ za kiłahram, a smak jak u jełki: zdajecca, znajšlisia samyja darahija cukierki ŭ Minsku
Ciapier čytajuć
Hałyhina prymusili apraŭdvacca za zvarot da siłavikoŭ u 2020-m2
Hałyhina prymusili apraŭdvacca za zvarot da siłavikoŭ u 2020-m
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary