Vierasień znoŭ staŭ rekordnym pa śpiocy. Pahladzieli, nakolki paciapleła ŭ Biełarusi za apošnija 25 hadoŭ
Siaredniaja tempieratura pavietra pa Biełarusi za vierasień skłała +17,5°C — heta na 4,8°C vyšej za klimatyčnuju normu. Pahladzieli, jak źmianiajecca klimat u śviecie i Biełarusi.
Z takimi pakazčykami vierasień 2024 hoda staŭ samym ciopłym vieraśniem za historyju mieteanazirańniaŭ. Papiaredni rekord +16,2°S byŭ zarehistravany ŭ minułym hodzie.
Jak źmianiajecca klimat na płaniecie?
Hłabalnaja tempieratura za apošnija sto hadoŭ vyrasła pryblizna na 1,3 hradusa. Kali brać pieryjad z 1970 pa 2019 hady, to na 0,98 hradusa.
Zhodna z daŭnimi raźlikami ŭradženca Homiela navukoŭca Michaiła Budyki, siaredniaja hłabalnaja tempieratura Ziamli pavysicca prykładna na 2,25°C da 2070 hoda. Takija ličby jon ahučyŭ u svaim prahnozie na bližejšyja 100 hadoŭ u brašury «Upłyŭ čałavieka na klimat» (1972).
Niahledziačy na toje, što Budyka zrabiŭ svoj prahnoz bolš za 50 hadoŭ tamu, jon dahetul zastajecca adnym z samych dakładnych.
Ale siaredniaja tempieratura ŭ Biełarusi raście chutčej za suśvietny ŭzrovień.
Tak, naprykład, tolki za apošnija 25 hadoŭ siaredniaja hadavaja tempieratura ŭ Breście vyrasła z 8,6 hradusa ŭ 1997-2001 hadach da 10 hradusaŭ u 2018-2023 hadach.
U Viciebsku za anałahičny pieryjad taksama stała na 1,4 hradusa ciaplej. Plus 6,5 było ŭ 1997-2001 hadach i 7,9 — u 2018-2023.
U Homieli za hety ž pieryjad siaredniaja tempieratura vyrasła na 1,2 hradusa — z 8 da 9,2.
Na paŭtara hradusa ciaplej u siarednim stała ŭ Hrodnie. Kali ŭ 1997-2001 hadach siaredniehadavaja tempieratura składała 7,5°C, to ŭ pieryjad z 2018 pa 2023 — roŭna 9.
U Minsku za hety pieryjad stała ciaplej u siarednim na 0,9 hradusa. Kali ŭ 1997-2001 hadach u stalicy ŭ siarednim było +7°C, to ŭ 2018-2023 — 7,9 hradusa.
Archiŭnyja danyja pa Mahilovie na servisie Weatheronline, na žal, adsutničajuć. Na inšych servisach jość tolki bolš śviežyja danyja, čym na Weatheronline, što nie dazvalaje zrabić anałahičnyja padliki, jak pa inšych bujnych haradach.
Čamu ŭ Biełarusi ciapleje chutčej, čym u cełym u śviecie?
Siaredniaja tempieratura na terytoryi Biełarusi raście ŭ try razy chutčej, čym u siarednim pa płaniecie.
Heta źviazana z našym fizika-hieahrafičnym stanoviščam.
«Paŭnočnaje paŭšarje nahravajecca macniej, jak i suša, addalenaja ad akijanaŭ. Najbolšymi tempami siaredniaja tempieratura raście ŭ chałodny pieryjad hoda i krychu pavolniej — u ciopły pieryjad», — tak tłumačyŭ hetuju źjavu viadučy navukovy supracoŭnik NPC pa bijaresursach Akademii navuk Anatol Kułak.
Ciapier čytajuć
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj11
Kamientary