U Połackim rajonie mužčyna patanuŭ u kanalizacyjnym kałodziežy — heta druhi vypadak u krainie za apošnija dni
Niadaŭna anałahičny vypadak adbyŭsia ŭ Pastavach.
Fota: Tavarystva vyratavańnia na vadzie
Mužčyna zahinuŭ, upaŭšy ŭ kanalizacyjny kałodziež u adnoj ź viosak Połackaha rajona.
Cieła mužčyny 1969 hoda naradžeńnia znajšli nahami ŭniz u kałodziežy hłybinioj 2,5 mietra, zapoŭnienym ściokavymi vodami. Abstaviny ŭtapleńnia vyśviatlajucca, paviedamlaje Tavarystva vyratavańnia na vadzie.
Heta ŭžo druhi padobny vypadak za apošnija dni ŭ Biełarusi. 30 vieraśnia mužčyna 1964 hoda naradžeńnia ŭpaŭ u kanalizacyjny kałodziež na adnym z pryvatnych padvorkaŭ u Pastavach.
Cieła biez prykmiet žyćcia z kałodzieža dastali supracoŭniki MNS. Zahinułaha znajšoŭ jahony siabar, jaki pryjšoŭ u hości. Śledčyja pravodziać pravierku.
Kamientary