Raniej paviedamlałasia, što prezident Ukrainy padčas vizitu ŭ Ńju-Jorku pavinien sustrecca i z Kamałaj Charys, i z Donaldam Trampam.
Pavodle źviestak ŚMI, sustreča prezidenta Ukrainy Uładzimira Zialenskaha i kandydata ŭ prezidenty ZŠA Donalda Trampa nie zapłanavanaja, piša «Ukrainskaja praŭda» sa spasyłkaj na Associated Press
«Pradstaŭnik štaba Trampa zajaviŭ u aŭtorak, što kandydat ad respublikancaŭ nie sustreniecca na hetym tydni z prezidentam Ukrainy Uładzimiram Zialenskim, jaki znachodzicca ź vizitam u ZŠA dla ŭdziełu ŭ adkryćci Hienieralnaj Asamblei Arhanizacyi Abjadnanych Nacyj», — havorycca ŭ publikacyi.
Vydańnie adznačaje, što, pa słovach čynoŭnika, jaki paviedamiŭ na ŭmovach ananimnaści, nivodnaj sustrečy pamiž imi nie było zapłanavana, niahledziačy na zajavu ŭkrainskich čynoŭnikaŭ na minułym tydni, u jakoj havaryłasia pra toje, što Zialenski płanavaŭ sustrecca z byłym prezidentam ZŠA.
U publikacyi taksama havorycca pra toje, što ŭ aŭtorak Donald Tramp pachvaliŭ vajskovy dośvied Rasii ŭ histaryčnych kanfliktach i vyśmiejaŭ amierykanskuju dapamohu Ukrainie, čarhovym razam zapeŭniŭšy, što ŭ vypadku abrańnia prezidentam jon chutka zavieršyć vajnu, raspačatuju Maskvoj.
Vystupajučy ŭ Savanie, štat Džordžyja, Tramp vyśmiejaŭ častaje paŭtareńnie prezidenta Džo Bajdena ab tym, što ZŠA buduć padtrymlivać ukrainskija ŭzbrojenyja siły, pakul Kijeŭ nie vyjhraje vajnu.
Ciapier čytajuć
Lehiendarnaja žurnalistka Luboŭ Łuniova raskazała pra Viktara Łukašenku i adnakurśnikaŭ, stvareńnie «Viasny» i palityčny bamond17
Kamientary