«Biełarusnafta» sudzicca za niepastaŭku abstalavańnia adrazu ź niekalkimi zachodnimi kampanijami
Na adzin i toj ža dzień, 26 vieraśnia, u Ekanamičnym sudzie Homielskaj vobłaści pryznačanyja try pracesy pa pazovach PA «Biełarusnafta» da zamiežnych pradpryjemstvaŭ, zaŭvažyŭ «Fłahštok». Adkazčykami paznačanyja firmy Drillmec SPA, Forum energy technologies (UK) Ltd i Sercel S. A. S.
Heta firmy-vytvorcy, udakładniŭ dla «Fłahštoka» adzin z byłych śpiecyjalistaŭ pradpryjemstva. U pryvatnaści, Sersel vyrablaje siejśmičnaje abstalavańnie, Drillmec — śvidravalnyja ŭstanoŭki. Ciapier hetaje abstalavańnie zamianiajuć kitajskim.
Pradmiet sprečki — «ab nievykanańni abo nienaležnym vykanańni abaviazacielstvaŭ pa damovach kupli-prodažu pastaŭki tavaraŭ»: niedapastaŭka, niesvoječasovaja pastaŭka, raźliki za pradukcyju, tavary ci pasłuhi.
Vierahodna, što havorka idzie pra niepastaŭleńnie zachodnimi vysokatechnałahičnymi kampanijami tavaraŭ abo pasłuh biełaruskamu naftazdabyŭnomu pradpryjemstvu ŭ vyniku nakładańnia na jaho sankcyj.
U 2021 hodzie Jeŭrasajuz unios homielskuju kampaniju ŭ sankcyjny śpis, što stvaryła prablemy, u tym liku z zakupkami z-za miažy.
Krynica «Fłahštoka» Michaił (u metach biaśpieki imia źmienienaje), źviazany ź dziejnaściu «Biełarusnafty», paviedamiŭ, što sudy, vidavočna, źviazanyja z sankcyjnymi abmiežavańniami. Jak minimum technałohii dvuch vytvorcaŭ z troch vykarystoŭvajucca pry zdabyčy nafty ŭ kampanii. Pa słovach krynicy, heta Sersel dla siejśmičnaj raźviedki i Drillmec dla bureńnia śvidravin.
Michaił taksama paviedamiŭ, što na pradpryjemstvie ciapier zakuplajucca kitajskija ci rasijskija anałahi zachodniaha abstalavańnia.
«Kab śpisać hrošy dla finansavaha bałansu pradpryjemstva», — vykazała zdahadku krynica adnosna mety praviadzieńnia sudovych pracesaŭ nad zachodnimi kampanijami.
Pavodle infarmacyi «Fłahštoka», Mazyrski NPZ sutyknuŭsia z padobnymi prablemami praz sankcyi, nakładzienyja na biełaruskuju halinu naftapierapracoŭki: mnohija apłačanyja pastaŭki zamarožanyja. U adnym z vypadkaŭ na miažy «zaviśli» zapčastki na niekalki miljonaŭ jeŭra, jakija nie prapuskajuć praz sankcyi.
Pa zdabyčy nafty ŭ Rasii «Biełarusnafta» sioleta dahonić biełaruskija abjomy
Ukrainski sud źniaŭ aryšt z majomaści «Biełarusnafty». Kijeŭ moža stracić nie mienš za 36 młn dalaraŭ
Na Homielščynie adkryli novaje radovišča nafty. Łukašenka zahadvaŭ heta zrabić miesiac tamu
«Dziaŭčyna, ź jakoj byli razam 6 hadoŭ, nie zachacieła adnosinaŭ». Jak supracoŭnik «Biełarusnafty» adsiedzieŭ 3 hady za abaronu pratestoŭca
Pamiatajecie chłopca z «Biełarusnafty», jaki adsiadzieŭ 3 hady za abaronu pratestoŭca? Znajšoŭsia toj, kaho jon ratavaŭ ad siłavikoŭ
Ciapier čytajuć
«Zasiarodžusia na pracy z ZŠA». Cichanoŭski raskazaŭ pra svaje palityčnyja płany na 2026 hod22
Kamientary