Śviet22

Niaŭkludny biehiemocik staŭ zorkaj internetu ŠMAT FOTA

Ź miłaj žyviolinaj malujuć arty, stvarajuć miemy i rozny mierč. Ale šalonaja papularnaść stvaryła i niebiaśpieku dla jaje. 

Mu-Denh i hravitacyja. Fota z sacsietak zaaparku

10 lipienia 2024 hoda ŭ karlikavych biehiemotaŭ Džona i Toni, jakija žyvuć u tajłandskim zaaparku Kaa Kchieou ŭ horadzie Sirača, naradziłasia maleńkaja samačka. Pa vynikach apytanki, u jakoj prahałasavali 20 tysiač čałaviek, joj dali imia Mu-Denh, što možna pierakłaści z tajskaj movy jak «žvavaja śvinka».

Mu-Denh pad strumieniem vady. Fota z sacsietak zaaparku

I sapraŭdy, Mu-Denh akazałasia vielmi hareźlivym i paciešnym biehiemotam. Nahladčyk zaaparka Atapał Nandy staŭ rehularna dzialicca ŭ sacsietkach fota i videa taho, jak biehiemocik dureje, nosicca pa valjery, ale nie zaŭsiody daje rady hravitacyi, robić «kuś» za kalenku nahladčyka, akazvaje adčajny supraciŭ pry sprobie jaje pakupać i šaleje ad strumieniu vady. U luboj situacyi biehiemocik vyhladaje vielmi ekspresiŭnym i emacyjnym.

«Kuś» za nahu nahladčyka. Fota z sacsietak zaaparku
Kantrolny «kuś». Fota z sacsietak zaaparku

Mu-Denh imhnienna stała lubimicaj internetu. Jaje paciešnaść, niaŭkludnaść i biasškodnaja ahresiŭnaść zamiłavali ŭsich. Mnohija paznali ŭ miłaj žyviole z vyłuplenymi vačyma i šyroka raziaŭlenaj biazzubaj paščaj svaju ŭnutranuju reakcyju na lubyja žyćciovyja vykliki.

Sacsietki zapałanili fotazdymki, videa, miemy i arty z karlikavym biehiemotam. Zaapark navat vyrašyŭ pradavać adzieńnie i inšyja tavary z vyjavaj Mu-Denh.

Reakcyja Mu-Denh na dziejańni nahladčyka. Fota z sacsietak zaaparku

Papularnaść biehiemocika dazvoliła zaaparku ŭpieršyniu za dziesiać hadoŭ pavysić košt biletaŭ. Rost koštaŭ, nasupierak aściaroh piersanała i administracyi, nie pryvioŭ da padzieńnia naviedvalnaści. Naadvarot, jon dapamoh dastatkova razbahacieć, kab pakryvać bolšuju častku vydatkaŭ na ŭtrymańnie žyvioł samastojna i nie mieć patreby ŭ źniešniaj padtrymcy.

Mu-Denh stała internet-miemam. Fota z sacsietak
Mu-Denh stała internet-miemam. Fota z sacsietak

Ale papularnaść taksama stała pahrozaj dla žyvioły. Naviedvalniki stali pavodzić siabie ahresiŭna, kidajučy ŭ Mu-Denh maluskaŭ i sprabujučy vylić na jaje vadu, kab pryciahnuć uvahu karlikavaha biehiemota i spravakavać na miemnuju reakcyju. Zaapark vymušany byŭ ustalavać dadatkovyja kamiery videanazirańnia vakoł valjera, a ŭsim naviedvalnikam, jakija pahražajuć biaśpiecy žyvioł, pryhrazili sudom. Akramia taho, kab zadavolić vialikuju kolkaść naviedvalnikaŭ, dla ich byŭ uviedzieny piacichvilinny limit na toje, kab pabačyć Mu-Denh.

Naviedvalniki zaaparku, jakija chočuć pabačyć Mu-Denh. Fota z sacsietak

Karlikavyja biehiemoty, jakija siońnia žyvuć u Libieryi, Śjera-Leone i Kot-dJIvuary, znachodziacca pad pahrozaj vymirańnia. Razam sa zvyčajnymi biehiemotami, jakija raniej nasialali bolšuju častku Afryki, libieryjskija karlikavyja biehiemoty źjaŭlajucca adzinym vidam siamiejstva, jaki dažyŭ da našaha času. Jašče ŭ XX stahodździ navukoŭcy ličyli, što biehiemotavyja — najbližejšyja svajaki śvińniaŭ. Ale najnoŭšyja hienietyčnyja daśledavańni pakazali, što heta zusim nie tak, biehiemotavyja — najbližejšyja naziemnyja svajaki kitoŭ.

@smile1.31 A cute little hippo with boundless energy.#foryou #animals #hippo #moodeng #cute ♬ original sound - Smile1.31

«Naša Niva» — bastyjon biełaruščyny

PADTRYMAĆ

Kamientary2

  • Good
    18.09.2024
    Bozia bozia 🥰
  • Maryna
    19.09.2024
    Serca choć na trochi ŭzradavałasia, hledziačy na maleńkaha toŭscika.

Ciapier čytajuć

Intervju sa 100-hadovym doktaram Anatolem Zankovičam — pra žyćcio padčas Druhoj suśvietnaj i pracu chirurham u ZŠA

Intervju sa 100-hadovym doktaram Anatolem Zankovičam — pra žyćcio padčas Druhoj suśvietnaj i pracu chirurham u ZŠA

Usie naviny →
Usie naviny

Śpiecpradstaŭnik ZŠA prakamientavaŭ ataki ŭkrainskich dronaŭ pa rasijsikich aeradromach padčas apieracyi SBU «Pavucińnie»9

«Abražaŭ relihiju i Boha». Čačency zajavili, što błohiera ŭ Maskvie nie vykrali, a «prafiesijna zatrymali» siłaviki5

Cina Pałynskaja i jaje 22-hadovaja dačka znachodziacca pad vartaj1

Inicyjatyva Maldzis vykupiła kartu VKŁ Jana Niapreckaha3

Jak dačka novaha prezidenta Polščy Karala Naŭrockaha stała zorkaj i skrała ŭvahu ŭsioj krainy7

Jak zmahajecca za žyćcio kurjer, jaki jechaŭ na elektraviełasipiedzie na piešachodnym pierachodzie na zialonaje, ale trapiŭ pad aŭto9

Nie bajacca ni boha ni čorta. Jak tajnyja pakupniki kašmarać kramy pad Minskam11

Ułaśniki Realt.by pašyrajuć biznes na Polšču, AAE i Čarnahoryju1

U Rasii adbyŭsia druhi za dva dni pažar na zavodzie pa vytvorčaści matoraŭ dla vajskovaj techniki4

bolš čytanych navin
bolš łajkanych navin

Intervju sa 100-hadovym doktaram Anatolem Zankovičam — pra žyćcio padčas Druhoj suśvietnaj i pracu chirurham u ZŠA

Intervju sa 100-hadovym doktaram Anatolem Zankovičam — pra žyćcio padčas Druhoj suśvietnaj i pracu chirurham u ZŠA

Hałoŭnaje
Usie naviny →

Zaŭvaha:

 

 

 

 

Zakryć Paviedamić