Krakadził, jakoha niadaŭna pradali z aŭkcyjonu, zastaniecca žyć u Minskim zaaparku
Nilski krakadził Dandzi, jakoha na aŭkcyjonie dniami kupiŭ arhanizatar azartnych hulniaŭ «Załaty faraon», praciahnie žyć u Minskim zaaparku. Pra heta novy ŭładalnik raskazaŭ vydańniu Office Life.
Ciapier krakadził Dandzi — «častka kamandy» kampanii, u jaho źjaviŭsia svoj rachunak na LinkedIn, i jamu možna zadać pytańni.
«Ideja ŭziać pad apieku ekzatyčnuju dla Biełarusi žyviolinu pryjšła supracoŭnikam paśla taho, jak u stužcy navin trapiłasia infarmacyja ab prodažy krakadziła. Źjaviłasia žadańnie zrabić dobruju spravu i dapamahčy jamu — vykupić i pakinuć u Minskim zaaparku. Vyhadavany jon byŭ u niavoli, u naturalnaje asiarodździe jaho ŭžo nie viarnuć. Tamu my hatovyja ŭziać na siabie abaviazacielstvy, kab padtrymlivać jahony zvykły ŭzrovień žyćcia i nie padviarhać lišniamu stresu ŭ suviazi sa źmienaj miesca žycharstva», — raskazali ŭ kampanii.
U Minskim zaaparku krakadziła łaskava nazyvajuć Lončyk. Tut jon žyvie z sakavika minułaha hoda. Jaho pryvieźli z terytoryi harbarnaha zavoda.
Jak vyśvietliłasia, u krakadziła składany charaktar — moža šypieć, vykazvajučy niezadavolenaść, rezka razvaročvacca.
Uzrost 14 hadoŭ dla reptylii ličycca dastatkova maładym, pakolki niekatoryja asobiny mohuć žyć i da 150 hadoŭ! Daŭžynia nilskaha Loni ciapier kala 3 mietraŭ, ale ŭ pracesie staleńnia jon moža vyciahnucca da 6 mietraŭ, ličać śpiecyjalisty zaaparka.
Lonia z zadavalnieńniem jeść kurycu, jałavičynu, cialacinu, piečań, rybu mintaj. Łasunak vybiraje pad nastroj i za adzin raz moža źjadać kala 1 kh ježy.
Žyvie Lončyk adzin, u valjery, dzie stvoranyja ŭsie ŭmovy dla kamfortnaha znachodžańnia: možna kupacca ŭ basiejnie, hrecca pad lampami z ultrafijaletam.
Pakolki heta nilski vid krakadziła, abjadnoŭvać jaho z krakadziłavymi kajmanami, jakija taksama znachodziacca ŭ Minskim zaaparku, nielha. Takija drapiežniki mohuć prajaŭlać adzin da adnaho ahresiju.
Ciapier čytajuć
Lehiendarnaja žurnalistka Luboŭ Łuniova raskazała pra Viktara Łukašenku i adnakurśnikaŭ, stvareńnie «Viasny» i palityčny bamond17
Kamientary
passat čto-to nie potianuł )