«Kožny ŭmoŭny viartuchaj nie bačyć sensu brać na siabie adkaznaść za niejkuju miakkaść».
U novym vypusku jutub-prajektu «Hadzińničak cikaje» jaho aŭtar Ženia Suhak zadałasia pytańniem, za što ŭłady katujuć Viktara Babaryku, Maryju Kaleśnikavu i inšych palitviaźniaŭ.
«Vy ŭžo ŭziali ludziej u pałon, pazbavili ich svabody, pieraviarnuli žyćcio. Navošta vy jašče ź ich ździekujeciesia? Pryčym heta robić nie asabista Łukašenka. Heta robiać rabotniki turmaŭ, načalniki kałonij, ludzi, jakija tam pracujuć. Navošta? Čamu ŭ ich niama kropli spačuvańnia i empatyi dla taho, kab prosta nie ździekavacca ź ludziej?»
Razvažajučy nad hetym pytańniem, Arciom Šrajbman zaŭvažyŭ, što ŭ ciapierašniaj situacyi «nie zaŭsiody jość niejkaja złaja vola ŭ farmacie «paździekujciesia voś z hetaha čałavieka».
Na jaho dumku, šmat u jakich vypadkach heta «miechanika pracy mašyny», u jakoj byŭ zahad stvaryć takija ŭmovy, kali niekalki hadoŭ nazad dla topavych palitviaźniaŭ uviali režym inkamunikada.
«I ni ŭ kaho ruka nie padymiecca admianić hety zahad pa ŭłasnaj voli ci źmiakčyć umovy, jakija byli kaliści pradyktavanyja źvierchu dla ŭsich samych hałoŭnych palityčnych. A dalej kožny ŭmoŭny viartuchaj nie bačyć sensu brać na siabie adkaznaść za niejkuju miakkaść. «A čamu ja pavinien?»
Analityk nie vyklučaje i faktaru isnavańnie sadystaŭ na miescach, ale ličyć, što ŭ bolšaści ludzi dumajuć «a navošta? U mianie jość režym maksimalnaj nieciarpimaści da hetych ludziej. Čamu ja budu davać niejkija pabłažki, za što mnie moža prylacieć?».
«Tamu što ty taksama čałaviek», — zaŭvažyła Suhak.
«Kali ty taksama čałaviek, to ty b u hetaj sistemie doŭha nie pratrymaŭsia», — upeŭnieny Šrajbman.
Chutkaja dla Babaryki, chvaroba Pačobuta. Były źniavoleny navapołackaj kałonii raskazaŭ pra stan viadomych palitviaźniaŭ
«Surjozna schudnieŭ, važyć, napeŭna, kiłahram 80». Były palitviazień pra Viktara Babaryku
«Nie možaš iści? Paŭzi». Źjavilisia naviny pra Maryju Kaleśnikavu, Nastu Łojku i inšych palitźniavolenych z Homielskaj kałonii
Kaśpiaroviča pierad hibiellu dapytvali ŭ polskaj kontrraźviedcy — raspytvali pra vizy dla ahientaŭ AAC z pašpartami prykryćcia i pra Bulbu27
Kamientary