Kačanava: Jak kažuć našy siabry, jakija pryjazdžajuć da nas: «vy žyviacie ŭ rai»
«Nam usim treba bolš danosić praŭdu pra svaju krainu», — zajaviła staršynia Savieta Respubliki Natalla Kačanava pry naviedvańni Nacyjanalnaj biblijateki Biełarusi, piša BiełTA
«Nam usim treba pracavać nad tym, kab bolš danosić praŭdy pra svaju krainu. I my zaprašajem u Biełaruś usich. Ja zaraz budu na Jeŭrazijskim žanočym forumie havaryć pra heta — tam 127 krain-udzielnic. Ja ŭsiudy kažu: nie treba karystacca čutkami ab našaj krainie, pryjazdžajcie i na svaje vočy pahladzicie, jak tut žyvuć ludzi, jakija ŭ nas harady, jak my žyviem, i kali ŭbačycie sami, tady zmožacie davać acenku, — skazała Natalla Kačanava.
— Siońnia my abaviazanyja heta rabić, pakolki fejki, chłuśnia apanavali ŭsiu infarmacyjnuju prastoru ŭ dačynieńni da našaj krainy»
Narodnaja dypłamatyja vielmi važnaja, adznačyła śpikier. «Siońnia da nas na Dzień horada pryjechała bolš za 40 pradstaŭnikoŭ z roznych krain. My aktyŭna pracujem z našymi siabrami, kalehami i pa linii ŠAS, i pa linii BRIKS, dzie my chočam stać paŭnapraŭnymi členami. U nas vialikaja kolkaść siabroŭ va ŭsim śviecie. I chto pryjazdžaje siudy choć by adzin raz, jon bačyć realnaje žyćcio biełarusaŭ. I jak kažuć našy siabry, jakija pryjazdžajuć da nas: vy žyviacie ŭ rai.
Mir, spakoj, dobraŭparadkavanaść, mahčymaść realizacyi ŭsich svaich žadańniaŭ i płanaŭ. Heta tady, kali siońnia ludzi ŭ inšych krainach prosta dumajuć, dzie ŭziać kavałak chleba, marać, kab u miry i spakoi žyli ich dzieci, — padkreśliła staršynia Savieta Respubliki Natalla Kačanava. — Buracca krainy, narody hublajuć svaju ziamlu, adbyvajucca strašnyja padziei ŭ śviecie.
A ŭ adnosinach da našaj krainy šmat niespraviadlivaści. I my zaprašajem usich u Biełaruś. Prezidentam pryniata rašeńnie ab biaźvizavym režymie — kali łaska, pryjazdžajcie, pahladzicie. I ludzi jeduć ź vialikaj radaściu ŭ Biełaruś».
Ciapier čytajuć
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1111
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj11
Natalla Kalehava raskazała pra dapamohu biełaruskim uciekačam, svaju siamju, staŭleńnie da Cichanoŭskaj. I patłumačyła, chto takija «babry» i «zajcy»4343
Kamientary
tak, vy adkaznyja nie pierad Biełaruskim narodam a pierad Chanami Maskovii. Damovilisia ź imi i kirujeiecie jak satrapy, Pakul Chan nie vyrašyć zachapić całkam našu krainu , što potym satrapy i my budzim rabić ?