Arhiencina zaklikaje prakurora Mižnarodnaha kryminalnaha suda (MKS) źviarnucca da pałaty papiaredniaha viadzieńnia dla vydačy ordara na aryšt prezidenta Vieniesueły Nikałasa Madura, havorycca ŭ zajavie MZS krainy.
Pryčynaj zapytu viedamstva nazvała dziejańni, jakija mohuć razhladacca jak złačynstvy suprać čałaviečnaści. Taksama MZS Arhienciny zaklikaŭ vydać ordar na aryšt vysokapastaŭlenych vieniesuelskich čynoŭnikaŭ.
CVK Vieniesueły abviaściŭ pieramožcam Madura (pry hetym źviestki pa vynikach padliku 100% hałasoŭ tak i nie byli apublikavanyja), a lidary apazicyi zajavili, što ich kandydat Edmunda Hansales atrymaŭ u dva razy bolš hałasoŭ. U krainie pačalisia masavyja pratesty.
Arhiencina była pieršaj dziaržavaj, jakaja nie pryznała pieramohu Madura na vybarach. Kiraŭnik dziaržavy Chaŭjer Milej tady zajaviŭ: «Arhiencina nie źbirajecca pryznavać čarhovaje machlarstva i spadziajecca, što ŭzbrojenyja siły hetym razam buduć abaraniać demakratyju i volu naroda».
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary