U Piermskim krai zabili 27-hadovuju dziaŭčynu i jaje 7-hadovuju dačku. U zabojstvie padazrajecca bajec PVK «Vahnier»
Praz dva tydni jon pavinien byŭ adpravicca ŭ zonu bajavych dziejańniaŭ.
U Piermskim krai Rasii zabili 27-hadovuju dziaŭčynu i jaje 7-hadovuju dačku. U zabojstvie padazrajecca bajec PVK «Vahnier»— dva hady tamu jon byŭ asudžany za zabojstva maładoj žančyny, ale adpraviŭsia na vajnu va Ukrainu, byŭ paranieny i znachodziŭsia ŭ horadzie ŭ adpačynku pa ranieńni. Praz dva tydni jon pavinien byŭ adpravicca ŭ zonu bajavych dziejańniaŭ, piša Baza.
Cieły 27-hadovaj Kaciaryny i jaje 7-hadovaj dački byli vyjaŭlenyja ŭ kvatery ŭ horadzie Čusavym viečaram 29 žniŭnia. Nieŭzabavie ŭstanavili i asobu mierkavanaha zabojcy: im akazaŭsia jaje chłopiec, 27-hadovy Arciom Bučyn.
Bučyn vajavaŭ va Ukrainie, ale atrymaŭ minna-askiepkavaje ranieńnie pravaj nahi i paśla lačeńnia pajechaŭ u adpačynak u rodny horad. Ciapier jon abvieščany ŭ vyšuk. Sa słoŭ krynic, praz ranieńnie ŭ mužčyny jość charakternaja asablivaść: jon kulhaje na pravuju nahu.
Arciom Bučyn i raniej mieŭ prablemy z zakonam. Jon byŭ sudzimy za niavypłatu alimientaŭ, rabavańnie z užyvańniem hvałtu, a taksama zabojstva. U 2022 hodzie Arciom Bučyn zabiŭ dziaŭčynu Taćcianu Rakucinu. Sa słoŭ mužčyny, na złačynstva jon pajšoŭ, bo jaho «pierakliniła». Paśla zabojstva jon sprabavaŭ pakončyć z saboj, ale niaŭdała. Ekśpiertyza pryznała Bučyna adekvatnym.
U lutym 2023 hoda Bučyna prysudzili da 20 hadoŭ kałonii. Tam jon zaklučyŭ kantrakt z PVK i adpraviŭsia na pieradavuju.
U 2024 hodzie Bučyn viarnuŭsia z vajny ŭ adpačynak pa ranieńni i pavinien byŭ znachodzicca ŭ Čusavym z 13 žniŭnia pa 12 vieraśnia. Ciapier pa fakcie zabojstva maci i dziciaci zaviedziena kryminalnaja sprava.
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary