Historyja z chepi-endam: kinuty paśla fiestyvalu Pets Fest sabaka atrymaŭ novy dom
Fiestyval Pets Fest, jaki prajšoŭ u siaredzinie žniŭnia, azmročyŭsia niepryjemnym incydentam. Adna z naviedvalnic uziała ŭ vałancioraŭ dvuch hadavancaŭ, ale praz paru hadzin pakinuła ich na vulicy. Na ščaście, dla sabaki Tosi hetaja historyja zaviaršyłasia sapraŭdnym chepi-endam. Padrabiaznaści piša «Minsk-Naviny».
Losam hadavancaŭ zakłapacilisia mnohija staličnyja vałanciory i nieabyjakavyja hramadzianie. Adnoj ź ich była Alena, pradstaŭnik «Hrušaŭka SOS». Daviedaŭšysia pra sabaku, jakoha pryviazali na prypynku i kinuli, jana dastaviła jaho na pieratrymku svajoj siabroŭcy Natalli z dabračynnaha abjadnańnia «ZAAšans».
— Nieŭzabavie paśla incydentu da Natalli pryjechała maładaja para, paznajomilisia z Tosiaj i na nastupny dzień zabrali sabaku da siabie ŭ kvateru. Jany vielmi adkazna padyšli da hetaha pytańnia i dasyłajuć nam fota Tosi. Taksama znajšlisia ludzi, jakija zacikavilisia jaje siastryčkaj, jakaja zastałasia ŭ Niaśvižy. Budziem uładkoŭvać sabačku paśla sterylizacyi, — raspaviała Alena.
Dla Tosi hetaja historyja skončyłasia ščasna, adnak zdabyć novy dom spadziajucca i mnohija inšyja žyvioły.
21 vieraśnia pa adrasie: vuł. Kulman, 8/1, projdzie dabračynnaja akcyja «Chvastaty dvor», dzie buduć addavać u dobryja ruki kala 50 katoŭ i sabak. Arhanizatary mierapryjemstva abiacajuć zabaŭlalnuju prahramu dla dziaciej i darosłych: majstar-kłasy, animataraŭ, rozyhryšy, akvahrym i šmat inšaha.
Ciapier čytajuć
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy28
Kamientary