Гісторыя з хэпі-эндам: кінуты пасля фестывалю Pets Fest сабака атрымаў новы дом
Фестываль Pets Fest, які прайшоў у сярэдзіне жніўня, азмрочыўся непрыемным інцыдэнтам. Адна з наведвальніц узяла ў валанцёраў двух гадаванцаў, але праз пару гадзін пакінула іх на вуліцы. На шчасце, для сабакі Тосі гэтая гісторыя завяршылася сапраўдным хэпі-эндам. Падрабязнасці піша «Мінск-Навіны».
Лёсам гадаванцаў заклапаціліся многія сталічныя валанцёры і неабыякавыя грамадзяне. Адной з іх была Алена, прадстаўнік «Грушаўка СОС». Даведаўшыся пра сабаку, якога прывязалі на прыпынку і кінулі, яна даставіла яго на ператрымку сваёй сяброўцы Наталлі з дабрачыннага аб'яднання «ЗААшанс».
— Неўзабаве пасля інцыдэнту да Наталлі прыехала маладая пара, пазнаёміліся з Тосяй і на наступны дзень забралі сабаку да сябе ў кватэру. Яны вельмі адказна падышлі да гэтага пытання і дасылаюць нам фота Тосі. Таксама знайшліся людзі, якія зацікавіліся яе сястрычкай, якая засталася ў Нясвіжы. Будзем уладкоўваць сабачку пасля стэрылізацыі, — распавяла Алена.
Для Тосі гэтая гісторыя скончылася шчасна, аднак здабыць новы дом спадзяюцца і многія іншыя жывёлы.
21 верасня па адрасе: вул. Кульман, 8/1, пройдзе дабрачынная акцыя «Хвастаты двор», дзе будуць аддаваць у добрыя рукі каля 50 катоў і сабак. Арганізатары мерапрыемства абяцаюць забаўляльную праграму для дзяцей і дарослых: майстар-класы, аніматараў, розыгрышы, аквагрым і шмат іншага.
Цяпер чытаюць
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1111
Каментары