У Мінску каля плошчы Бангалор на час будаўнічых работ арганізавалі незвычайна шырокі аб’езд. Пасля нанясення разметкі высветлілася, што тут ёсць па шэсць палос у кожным кірунку — усяго 12, піша Blizko.by.
Праўда, такая магістраль з’явілася толькі часова. Яна патрэбная для аб’езду ўчастка, дзе працягваецца будаўніцтва трэцяй лініі метро.
Пры гэтым тэрміны адкрыцця новых станцый зноў перанеслі — цяпер завяршэнне работ чакаюць толькі ў 2030 годзе.
Для параўнання: на МКАД звычайна па тры паласы ў кожным кірунку, каля з’ездаў бывае чатыры. На Ташкенцкай вуліцы — па чатыры паласы, а каля скрыжавання з вуліцай Галадзеда канфігурацыя даходзіць да 4+5. Шэсць палос у кожным кірунку можна сустрэць толькі на невялікім участку Партызанскага праспекта каля прыпынку «Малочны камбінат».
Каментары