«Šołach moŭčy» — novaja kniha biełaruskaha fiłosafa Valancina Akudoviča nieŭzabavie vyjdzie ŭ miežach inicyjatyvy «33 knihi dla inšaj Biełarusi». Zbornik tekstaŭ intelektuała — sumiesny prajekt biełaruskaha vydaviectva «Halijafy» i makiedonskaha Goten Publishing, piša Reform.news.
U knizie sabranyja teksty Valancina Akudoviča roznych hadoŭ.
«Ad prahramnaha ese «Pračnucca rankam u svajoj krainie» da vieršaŭ, pryśviečanych siabram, da humarystyčnych afaryzmaŭ pra Boha i śviet, — pradstaŭlaje novaje vydańnie inicyjatyva «33 knihi dla inšaj Biełarusi». — Biblejskija matyvy ŭ zborniku sustrakajucca z žartami pra Boha, asabistaja historyja pra levaje voka, jakoje Akudovič straciŭ u savieckim vojsku, staić pobač z hłybokim traktatam pra movu jak adzin z najvažniejšych elemientaŭ čałaviečaha isnavańnia. Kožny, chto pračytaje hetuju knihu, pahłybicca nie tolki ŭ śviet dumki adnaho z najvydatniejšych biełaruskich fiłosafaŭ, ale i ŭ jaho bijahrafiju, ciesna źnitavanuju z historyjaj i sučasnaściu biełaruskaha kulturnaha abšaru».
U anatacyi da vydańnia padkreślivajecca kanceptualny składnik zbornika tekstaŭ.
«Valancin Akudovič — adna z centralnych fihuraŭ biełaruskaha adradžeńnia pierachodnaha pieryjadu, pradstaŭniki jakoha kłapacilisia pra nacyjanalnaje samavyznačeńnie, pieraadoleńnie kałanijalnaj spadčyny i stanaŭleńnie biełaruskaj kultury. «Čas, u jaki adbyvałasia Biełaruś», jak akreślivaje Akudovič niečakanaje zdabyćcio dziaržaŭnaha suvierenitetu, byŭ časam vialikich spadziavańniaŭ i kulturnaha ŭzdymu, — zaŭvažajecca ŭ anatacyi. — U nastupnyja dziesiacihodździ pradstaŭnikam nacyjanalnaha adradžeńnia daviałosia admovicca ad mnohich svaich maraŭ. Dla niekatorych heta pryviało da vialikaha rasčaravańnia, u toj čas jak inšyja sprabavali trymacca za toje, čaho nikoli nie isnavała. Hetuju situacyju Akudovič usprymaje jak mahčymaść parazvažać pra miescaznachodžańnie čałavieka ŭ mnohich vymiareńniach: mižasabovym, palityčnym, kulturnym, ekzistencyjalnym. Hetaja čyrvonaja nitka razvažańniaŭ Akudoviča prachodzić i ŭ knizie «Šołach moŭčy».
«Halijafy» — niezaležnaje biełaruskaje vydaviectva, zasnavanaje ŭ 2007 hodzie. 16 krasavika 2022 hoda pa rašeńni Ministerstva infarmacyi Biełarusi jano było vymušana spynić vydavieckuju dziejnaść.
Minčuk źniaŭ rolik pra čarhu ŭ paliklinicy, dzie było bolš za 150 čałaviek. Za heta na jaho napisali zajavu ŭ milicyju10
Kamientary